Dad Fngewe 13:14 - Blaan Sarangani

¹⁴ I dad tdò i dad fulung faldam gamtabeng ge, gambet yéél mdà di sfuten, na ku laloam, gafalwaan ge di ksasè i gamgebe ge di fati.

Dad Fngewe 13:14 Referans Kwoze

Dad Fngewe 10:11

I to matlu, galan man i gafye, na gatgal i dad to mlinge imanan, bay i to sasè, gbunin i klabean fagu di kfulungan talù.

Dad Fngewe 14:27

I klikò di Dwata gamtabeng ge, gambet yéél mdà di sfuten, na gafalwaan ge di ksasè gamgebe ge di fati.

Dad Fngewe 16:17

I to fye mlalò i dalan mawag di ksasè, na i to too fgeye ku tanè i gusalun, landè gaslokan.

Salmo 116:3

Kantogu lyo na tatoo mdadong di deg i fati, i klikò i fati gamgagot deg; too msamuk i nawagu na too bong klidùgu.

Dad Fngewe 16:22

I kfulung i to fulung faldam, én gafye na gatgal i nawan, bay i to là fulung faldam, landè gukmamu i katdò kenen.

Dad Fngewe 16:6

Ku ge satu to too gsalig Dwata na nun kakdom kenen, nlifetan i salaam, na ku nun klikoam di Dwata niwasam i sasè.

Dad Fngewe 15:24

I to fulung faldam, mlalò i dalan salu di nawa landè sen, là mlalò i dalan salu di fati.

Dad Fngewe 9:11

Ku fulung ge faldam, én sa gamlawil ge.