Dad Fngewe 11:4 - Blaan Sarangani

⁴ I dad knunam landè gukmamum di kakel i duh kfatim, bay i katlum, i gafalwà ge di sasè kfati.

Dad Fngewe 11:4 Referans Kwoze

Dad Fngewe 10:2

Landè gufyem di knun gweam fagu di klimbung, bay i katlu nimò i gafalwà ge di fati.

Dyénésis 7:1

Di kafnge Nowa mimò i aweng, man Dwata i Amu di kenen, “Fusuk ge di lam i aweng, na faginam i kdee malayam, du di kdee dad to di tah tanà, alò ge i teengu matlu.

1 Timoti 4:8

Nun gukmamu kafgal i laweh, bay too nun fa gukmamu kafgal i kafaglutam di Dwata, du bong ktabengan di kneam dini di tah tanà na ditù kadang di langit.

I Fye Tulen gablà ku Dyisas Krayst i Sulat Luk 12:20

“Kabay man Dwata di to én, ‘Too kulang i fandamam! Kadang butang ani mati ge, na simto kè mfun i kdee knun tasantifunam? Taise ge.’ ”

Matyu 16:26

Balù gfun satu to i kdee fye dini tah tanà, tan i gufyen ku baling lana di kenen i nawa landè sen? Landè, du landè fakayan blé du fye gbawian i nawan landè sen.

Roma 5:17

Na too glut, mdà di salà i satu to, dunan Adam, kdee dad to mati. Kabay too mabtas fa i gukel i mgimò i satu to, dunan Dyisas Krayst, du balù simto dmawat i kafye blé Dwata dale, mbaling ale matlu di kiten, na gablé di dale nawa landè sen, na gagin ale di kagot Dyisas Krayst.

Dad Fngewe 12:28

I matlu dalan salu di klawil, bay i bigkò dalan salu di fati.

Dad Fngewe 6:34

du yaan i libun ani, too malbut du mingà nawan, na landè gusen i kbalasan.