Dad Fngewe 10:6 - Blaan Sarangani

⁶ I to matlu, nun kafye gdawatan, na i to sasè, gbunin i klabean fagu di kfulungan talù.

Dad Fngewe 10:6 Referans Kwoze

Dad Fngewe 28:20

I to gsalig nun gufyen, bay i to mayè mlal nun knunan fagu di klimbung, fanlayam kenen.

Dad Fngewe 24:25

Kabay i to mukum, ku nukuman i to gamsalà na faflayaman i to ani, nun gufyen na dnayen kenen i dad to.

Dad Fngewe 10:11

I to matlu, galan man i gafye, na gatgal i dad to mlinge imanan, bay i to sasè, gbunin i klabean fagu di kfulungan talù.

Roma 3:19

Na gadeito i gman di flalò Dwata, gmanan di dad to mlal ò i flalò. Na fagu di gman Dwata, gadeito landè to fakay mangman, kenen i là fakay fanlayam Dwata, du kdee dad to slame tagamsalà di kenen.

Dad Fngewe 11:26

Mnang nawa dad to i satu to fatan di kagket i btas mse klon fafabli dun, bay dagla i to fadlug fabli.

Salmo 107:42

Di kite i dad to matlu i kifatan dale too ale lehew, bay i dad to mimò sasè, landè gmanla.

Dad Fngewe 10:5

I to fulung faldam, kamtu kenen di bang i kaktu, bay magagyà i to ku én balingan nimò kudang di bang i kaktu.

Dad Fngewe 3:33

Too mnè i kalbut Dwata di malay i dad to sasè, bay too mnè i kafye di malay i dad to matlu.