Dad Fngewe 10:3 - Blaan Sarangani

³ Là faloh Dwata ku malnus i dad to matlu, na laan faloh ku gwè i dad to sasè i sasè kniballa.

Dad Fngewe 10:3 Referans Kwoze

Salmo 37:25

Ani tatua agu nan, bay mdà fa di tingà agu kel ani, landè fa teengu i to matlu ku tatì fbayà Dwata, na landè fa teengu ku i dad ngaan gal mni kakaanla mdà di klandèla.

Salmo 37:3

Kabay én nimòyu, too gamu smalig di Amuito Dwata na mimò fye, du fye nun fye knèyu na landè sasè kel di gamu.

Salmo 37:19

Na di bang i klandè, là ale madlà di ksaligla di Dwata, du balù kel i bong kbitil nun lukas i knaanla.

Salmo 33:19

du fye falwaan ale di fati, balù ku nun kel bong kbitil.

I Fye Tulen gablà ku Dyisas Krayst i Sulat Luk 12:31

Kabay ani i fye nimòyu, fdatahyu di nawayu i kagot Dwata, na blén di gamu i kdee dad klidùyu.”

Dad Fngewe 14:32

I falmo i to sasè i sasè nimoan, bay i kamlung i to matlu i kafyen.

Salmo 10:14

Mite ge sa, Dwata. Teenam sa i klidù na kaflayam dad to mdanà, na fanlayamam i dad mlayam dale. Ge i gusmalig i dad mdanà to, hae, du too ge mayè tmabeng i dad to landè kibòla tmabeng i ktola.

Dad Fngewe 13:25

I dad to matlu, too gablà i knaanla, bay là tlag i kbitil i dad to sasè.

Dad Fngewe 28:9

I to là flinge i flalò Dwata knang Dwata i dasalan na laan fanlinge.

Dad Fngewe 28:25

I to lom too gal smamuk, bay i to smalig di Dwata nun gufyen.