Dad Fngewe 10:25 - Blaan Sarangani

²⁵ Kakel i bong ulen na too mgal i nus fugen i to sasè, bay i to matlu kel di atuan là fisan di kgal i nus.

Dad Fngewe 10:25 Referans Kwoze

Salmo 15:5

Fdem kenen na laan fngà i fdeman. Na déén di gusfala laan banlé salà i to landè salà, balù nun to mayè tmaden kenen. Na nè i to mimò kdee ani, kenen i mnè di ifat Dwata kel di landè sen.

Dad Fngewe 12:3

I to sasè landè gutadagan du sasè nimoan, taman fugen, bay i to matlu nun gutadagan du fye nimoan, taman là kenen fugen.

2 Timoti 2:19

Kabay balù ani, i glut tdò Dwata là mgili, kaflingengu dun i bong batu na nun gsulat déén, manan, “Gadè Dwata ku simto dad to nfunan.” Na nun fa, manan, “Simto mangman nfun kenen Dwata, là fakay ku laan tagak i sasè nimoan.”

1 Timoti 6:19

Ani kibòla samtifun i too glut knun là malmo na landè gusenan ditù di langit, du fye gdawatla i too glut nawa, dunan nawa landè sen.

Ifisus 2:20

Na kdeeito dad faglut di ku Krayst Dyisas, én guflingengu dun i gumnè fdak Dwata di batu. Na Krayst i batu gufdak dad lahan tamgal i gumnè. Na i dad to gal dek Dyisas, na i dad to tugad Dwata di muna fa, ale guflingengu i dad lahanan.

Matyu 16:18

Taman dnagitgu ge Fiter du gambet ge i mgal batu. Na di batu ani gufdakgu gumnègu, dunan i dad to faglut di deg. Na landè gamfisan dale, balù fati.

Dad Fngewe 12:7

I dad to sasè mati, na landè tnagakla bella, bay i dad bel i dad to matlu, landè gusenla.

Dad Fngewe 1:27

Na di kakel i too sè klikòyu, na too sè kaflayamyu, na too sè ksamuk mlibut di gamu, tloyu agu. Kabay di katloyu deg, là agu tmimel gamu, fanngabalyu agu, bay làyu agu teen.

Dad Fngewe 10:30

I to matlu, nun kenen kafye mdà di Dwata landè gutlagan, bay i to sasè, là mlawilan di tah tanà ani.