Dad Fngewe 10:21 - Blaan Sarangani

²¹ I dad talù i to matlu, too gamtabeng i dee dad to, bay i to là fulung faldam, là mlawil du landè kaglabatan.

Dad Fngewe 10:21 Referans Kwoze

Dad Fngewe 17:16

I to là fulung faldam, là mayè fulung, taman landè lubay fagbet kenen, du tatì falmo filak.

Matyu 13:19

Ku nun dad to mlinge i tdò gablà di kagot Dwata, bay làla glabat dun, gasil salu Satanas di dale du nwean di nawala i Tnalù Dwata talingela. I kagkah dad to ani salngad i dalan gugsabul dad bnê.

Dad Fngewe 1:29

Du là gamu mayè gmadè i kaglut, na là gamu mayè mimen Dwata,

Dad Fngewe 15:4

I fye talù gamlé klawil na ktanak nawa i dad to, bay i sasè talù gamlé tduk di nawa i dad to.

Dad Fngewe 5:23

Mati kenen du laan gagan damnan i kton, na du laan fulung faldam, én mebe kenen di fati.

Dad Fngewe 5:12

Na msal gamu kadang manyu, “Fye moon di muna fa, ku fanlingegu i tdò deg, na ku fanlingegu moon i kngak deg.

Dad Fngewe 1:31

taman du én kayèyu lalò gamu knayè, là fakay ku là mulê di gamu bunge di ksasè nimòyu.

Dad Fngewe 12:18

I to i là funa fandam i manan gamban salngad i kagban i fais, bay i to fulung faldam, i manan salngad i bulung du gafgulê.

1 Fiter 5:2

Taman tooyu nifat dad to tasalig Dwata di gamu, du ale gambet dad bilibili na gamu mifat dale. Na di kifatyu dale nang ku fagu di kleges i nawayu, bay mdà di ayèyu mimò dun, du ani kayè Dwata. Nang ku én duenyu mimò dun, du alòyu kayè i taden, bay nifatyu ale du kayèyu too tmabeng dale.

Roma 1:28

Na du landè kamula i kaglut gablà di Dwata, knagolan ale. Taman i fandamla mbaling too sasè na én i gamgebe dale di dad sasè nimò.

Salmo 37:30

I to matlu too nun gukmamu i galan man, na ku mukum kenen too glut i kukuman;

Matyu 12:35

I fye to, fye lamwà di baan du mdà di dad fye busekan di lam i nawan. I sasè to, sasè lamwà di baan du mdà di sasè busekan di nawan.

Dad Fngewe 6:32

Kabay mahal i satu to mlafà i yaanan, landè sa kaglabatan, na toon falmo i kton.

Dad Fngewe 10:11

I to matlu, galan man i gafye, na gatgal i dad to mlinge imanan, bay i to sasè, gbunin i klabean fagu di kfulungan talù.

Dad Fngewe 1:32

Du i dad to kulang kfulung, mlal ale mati, du là ale mayè fulung faldam, na i dad là fulung faldam, du làla knabas i kfulung, gamdawat ale kadang i kalmola.

Dad Fngewe 5:2

Du ku ani nimoam, gmadè ge i fye nimò, na di ktaluam gumite i dademe to nun gnadeam.

Dad Fngewe 15:7

I kbel i gnadè fagu di to fulung faldam, ise ku fagu di to là fulung faldam.