Dad Fngewe 1:22 - Blaan Sarangani

²² na manan, “Gamu dad kulang kfulung faldam, kan ku fadlug gamu di làyu kfulung? Gamu dad madoy, kilen i katlagyu madoy? Gamu dad là fulung faldam, tan i kloyu mnang i glut kfulung?

Dad Fngewe 1:22 Referans Kwoze

Dad Fngewe 5:12

Na msal gamu kadang manyu, “Fye moon di muna fa, ku fanlingegu i tdò deg, na ku fanlingegu moon i kngak deg.

Dad Fngewe 1:29

Du là gamu mayè gmadè i kaglut, na là gamu mayè mimen Dwata,

Salmo 1:1

Too nun kafye di to là magin di flau dad to sasè, na là sgalak di dad to gamsalà, na là makuf di kadoy i dad to landè gukmamula Dwata.

Tafite 22:17

Na i Tulus Dwata na yaan i Tingà Bilibili, dunan dad to faglut di kenen, manla, “Salu gamu dini, gamu là faglut, na faglut gamu.” Na i kdee mlinge i mangu ani, fye ku manla, “Salu gamu dini, na faglut gamu.” Ku simto malinum, fye ku salu kenen dini, na balù simto mayè, fakay minum di yéél gamlé falami nawa, na landè bayadan dun.

2 Fiter 3:3

Funa, too mabtas ku gadèyu ku mdadong gusen i banwe, kel i dad to madoy. Lalòla i sasè knayèla, na nadoyla gamu,

Dyan 3:20

Du i kdee dad to mimò sasè knangla i kalwa, na là ale mayè fdadong di salò ken gadè i dad sasè nimòla.

I Fye Tulen gablà ku Dyisas Krayst i Sulat Luk 19:42

Na manan, “Mulà moon gadèyu, balù duh ani, i gamlé ktanak nawa, bay làyu gadè du tagbuni di gamu.

Matyu 9:13

Na tooyu fandam i gumtatek i man Dwata ani, ‘Ise ku én toogu knayè i kabléyu dsù, bay én toogu knayè i kakdoyu i demeyu to.’ Na ise ku én duengu salu dini du fanngabalgu dad to tlu du fsalgu di dad salàla, bay dad to gamsalà i fanngabalgu.”

Dad Fngewe 21:11

Fagu di kaflayam i to madoy, én tamdò i to kulang i kfulungan faldam, na di katdò i to fulung faldam, too matnù i gnadean.

Matyu 23:37

Na man Dyisas, “E gamu dad to di Dyérusalém, gamu dad to mati i dad tugad Dwata, na tmudà batu kel di kfati i dad saligan dekan di gamu! Tadee dulêgu mayè samtifun gamu di ifatgu gambet i anuk mliton santifunan i dad unsuyan di dungan fafakan, bay là gamu mayè.

Matyu 17:17

Na tmimel Dyisas, manan, “E tay, gamu dad to di bang ani, landè kafaglutyu, na too gsalà i fandamyu. Bong klogu mnè di safédyu! Tan fa dé kaftahàgu i nawagu di gamu fye faglut gamu? Nebeyu dini i tingà.”

Dad Fngewe 19:29

I to madoy, too fanlayam, na sankél i to là fulung faldam.

Dad Fngewe 15:12

I to madoy là mayè ku nun mngak kenen, na là mayè mni fngewe di to fulung faldam.

Dad Fngewe 14:6

I to gal madoy, mngabal i kfulung, bay landè teenan, bay i to nun kaglabatan, mlal kenen gambet.

Dad Fngewe 8:5

Gamu kulang i kfulung faldam, flinge gamu du fye fulung gamu faldam, du fye là gamu gasyat, na gamu là fulung faldam, flinge gamu du fye gamlabat gamu.

Dad Fngewe 7:7

Na teengu dee sawang lagi na kulang kfulungla, bay teengu satu di dale i landè kaglabatan.

Dad Fngewe 6:9

Kabay ge, i là mayè mimò, tan i klom kudang? Na kilen i kukatam?

Dad Fngewe 3:34

I dad to madoy, knang Dwata, bay blén i kafye di dad to fdanà i ktola.

Dad Fngewe 1:7

Silang ge mbaling to nun gnadè, ku funa nun klikoam di Dwata. I dad to là fulung faldam knangla kfulung, na là ale mayè ku nun tamdò dale.

Dad Fngewe 1:4

du fye i dad to kulang i kfulung faldam là ale gasyat, gmadè na fulung i dad lamnok mebe i ktola di fye,

Éksodus 16:28

Kafnge én, man Dwata i Amu di ku Mosis, “Kilen kè dé katlag i dad to là mimen dad flalògu dale?

Éksodus 10:3

Taman salu Mosis na Aron ku Faraon na manla di kenen, manla, “Ani man Dwata i Amu, i Dwata fnangamfù dad to Hibru, manan, ‘Tay sa, bong klom là fdanà i ktom di deg. Faloham i dad togu lamwà di banwe ani, du fye fakay ale mangamfù di dagu.

Dad Fngewe 1:21

Falbongan i taluan di gufusuk banwe, na balù nè gustifun dad to,

Dad Fngewe 1:32

Du i dad to kulang kfulung, mlal ale mati, du là ale mayè fulung faldam, na i dad là fulung faldam, du làla knabas i kfulung, gamdawat ale kadang i kalmola.

Dad Fngewe 21:24

I to fdatah na fdag i kton, nadoyan i demen to, na taalì i kafdagan.

Dad Fngewe 22:3

I to fulung mebe i kton, tagadean i samuk fan kel, taman funan niwas, bay i to kulang i kfulungan faldam, laan niwas i samuk, tatì fadlug kel di kagdawatan i flayam, bunge i nimoan.