Dad Fngewe 1:2 - Blaan Sarangani

² Sulatan i kdee ani, du tdoan i dad to, du fye gmadè ale i glut kfulung mdà di Dwata, na dnilèla i fye tdò, na glabatla i dad gal gman too mngalam gumtatekan,

Dad Fngewe 1:2 Referans Kwoze

Dad Fngewe 7:4

Knabasam i kfulung, salngad i kakabasam i flanekam, na knabasam i kaglabat, salngad i kakabasam i demem sgalak,

Dad Fngewe 17:16

I to là fulung faldam, là mayè fulung, taman landè lubay fagbet kenen, du tatì falmo filak.

Dad Fngewe 8:5

Gamu kulang i kfulung faldam, flinge gamu du fye fulung gamu faldam, du fye là gamu gasyat, na gamu là fulung faldam, flinge gamu du fye gamlabat gamu.

Dad Fngewe 16:16

Fye fa ku nun kfulungam faldam di nun blawenam, na fye fa ku nun kaglabatam di nun salafiam.

Dad Fngewe 4:1

Gamu dad ngà, flinge gamu i fngewe màyu gamu, na tooyu fandam, du fye nun kaglabatyu.

Dad Fngewe 15:33

I klikò di Dwata, én gamlé di to i kfulung faldam, na silang nun mafè i to ku funan fdanà i kton.

Dad Fngewe 2:9

Na ku alò ge flinge deg, glabatam kadang ku tan i fye, na di kdee nimoam di demem to too matlu.

Dad Fngewe 8:33

Ku fanlingeyu i tdògu gamu, nun kfulungyu, na tooyu fkah di nawayu i gmangu ani.

Dad Fngewe 19:20

Flinge ge i fngewe na dnawatam i tdò ge, du fye kadang ge mbaling to fulung faldam.