2 Timoti 3:11 - Blaan Sarangani

¹¹ Na léam gadè i kdee kaflayam gnagugu di dad banwe Antiyok, Ikonyum, na Listra. Kabay Amuta Dyisas falwà deg mdà di kdee dad kaflayamgu.

2 Timoti 3:11 Referans Kwoze

Salmo 34:19

Dee kaflayam gnagu i to matlu, bay i Amuito Dwata tmabeng kenen di kdee.

Dad Nimò 13:45

Kabay di kite i dad Dyu i kdee dad to stifun déén, too mingà nawala, taman talù ale dmuen i dad tdò Fol.

2 Fiter 2:9

Taman too fulung Dwata falwà i dad to mlalò kenen mdà di dad tilew, na lê kenen fulung makus na mlayam i dad to mimò sasè kel di Duh Kukum.

2 Timoti 4:7

Taftigu i galgu di kaskuya i gufafusuk Dwata deg, na ani takel agu di gusenan. Na tafadlug agu di kafaglutgu di ku Dyisas Krayst.

Dad Nimò 26:22

Kabay kel di duh ani tnabeng agu Dwata, na taman dini agu di munayu na tulengu i kaglutan di kdeeyu, di dad to mdanà ku demen di dad to mdatah. I mangu ani salngad i tagman dad tugad Dwata na Mosis i gdohò kadang di fulé duh,

Dad Nimò 26:17

Na falwàta ge kadang mdà di falel i dad demem Dyu na balù mdà di dad to ise Dyu, i dad to gumdekgu ge.

Dad Nimò 23:10

I kasbulawla mbaling matnù i kinitan. Taman i kafitan dad sundalu talikò nan, du man nawan mdà di kasnadyolla ku Fol ken mati kenen. Taman gasilan fnaul i dad sundalun, du fafwean ku Fol mdà di dad to, na feben di lam i gumnèla.

Dad Nimò 20:19

Na toogu nimen i Amugu Dyisas di nimògu di kenen, na toogu fdanà i ktogu, na dee dulê maloh i lwakgu, du mdà di dad kaflayam gnagugu mdà di kduen i dademegu dad Dyu deg.

Dad Nimò 13:14

Na mdà di Firga fles ale di satu banwe Antiyok glam di banwe Fisidya. Na di Duh Kaftud, fusuk ale di gusatdò i dad Dyu na sudeng déén.

Dad Nimò 9:16

Na agu i fite di kenen kadang i kdee dad kaflayam gnagun du mdà di ktulenan gablà di deg.”

Salmo 91:14

Man Dwata, “Du bong nawan deg, falwàgu kenen di dad gamsasè kenen, na kanlunggu, du fgadean na deg i Amun Dwata.

Salmo 37:40

Kenen i tmabeng dale na falwà dale mdà di falel i dad to sasè; falwaan ale du kenen i gusmaligla.

Dyénésis 48:16

Ge i kasaligan i falwà dagu mdà di kdee dad fsasè dagu, taman kayègu ku lê ge mlé moon kafye di dad sawang lagi ani. Na kayègu ku i dagitgu na i dagit i fùgu Abraham na i màgu Isaak too magdengeg mdà di dad fùgu ani. Na lêgu kayè ku toom ale fbel di tah tanà ani.”

Dad Nimò 14:8

Na nun satu to mnè di banwe Listra na kimay blian, na laan lmen gagu, du i kakimayan mdà fa di ksutan.

Roma 15:31

du fye kanlungan agu di dad to là faglut di banwe Dyudiya na fye lehew i dad to Dwata di Dyérusalém gablà di tabeng tundagu di dale.

2 Korintu 1:5

Too glut, du balù too gami maflayam, du mdà di ksasatumi di kene Krayst, too bong sa gdawatmi tabeng mdà di Dwata.

2 Korintu 1:7

Taman too bong kagsaligmi gamu di kagtayudyu i kdee kaflayam kel di gamu, du gadèmi ku tan i kaflayammi, lê gamu kaflayam, na gadèmi too glut tnabeng gamu Dwata, gambet i ktabengan gami di kaflayammi.

2 Korintu 12:10

Én duen too lehew i nawagu di klungaygu, di kafsasè i dad to deg, di dad kalima kel di deg, di kaflayam i dad to degss, na di dad samuk kel di deg mdà di klalògu ku Dyisas Krayst, du gadègu di klungaygu, i gal Dwata fgal deg.