2 Fiter 2:9 - Blaan Sarangani

⁹ Taman too fulung Dwata falwà i dad to mlalò kenen mdà di dad tilew, na lê kenen fulung makus na mlayam i dad to mimò sasè kel di Duh Kukum.

2 Fiter 2:9 Referans Kwoze

1 Korintu 10:13

I kdee kibò Satanas tmilew gito, salngad i gal gnagu i dademe to di tah tanà. Kabay Dwata too gsalig tmabeng gito, du laan faloh di gito i tilew laito gagan tnayud. Kabay di bang nun tilew banlén ito gnagan, du fye là ito gamsalà.

Tafite 3:10

Hae, du nimenyu i tdògu gamu gablà di ktayud di dad kaflayam kel di gamu, kanlunggu gamu du fye làyu gnagu i kaflayam fan kel di klamang banwe, du tnilewgu i kdee dad to di tah tanà.

2 Timoti 3:12

I kdee dad to too mayè ku matlu i ktola di ksasatula di ku Krayst Dyisas nun kaflayamla mdà di klalòla kenen.

2 Fiter 3:7

Na lêman fagu di talù Dwata, falmon kadang i langit na tanà teenito ani fagu di lifoh, bay ani, nifatan fa kel di bangan mukum na falmo i dad to sasè là mlalò kenen.

Dad Fngewe 16:4

Nun tafandam Dwata gufkelan i kdee mgimoan, na balù i dad to sasè nun gukella dunan i kalmola.

Titus 2:14

Blé Dyisas i kton di fati tlas gito, du fye falwaan ito mdà di kdee salà, nlaneban ito, nimoan ito dad to nfunan, na banlén ito ayè mimò fye.

2 Fiter 2:4

Du balù dad kasaligan ditù di langit i gamsalà, là fbayà Dwata dad salàla, bay batan ale di lam sol too kmifu gumilanggù dale, na déén gufatanla i Duh Kukum.

Roma 2:5

Kabay du too mgal i uluyu, na là gamu mayè msal na tmagak i dad sasè nimòyu, tabalingyu tananù i flayam gdawatyu di duh kfite Dwata i kaflabean na i katlu kukuman.

Salmo 4:3

Fandamyu ani, i to mimen knayè i Amun Dwata, mgalékan du nun gukmamun dun, taman fanlinge Dwata i katlogu kenen.

Salmo 32:6

Na én duenan fye ku kdee tom dmasal di ge di là fa kel i samuk, du fye balù fan nkel ale i bong kaflayam gambet i bong dunuk laan gafles di dale.

Salmo 12:1

Tmabeng ge, Amugu Dwata, du landè nan dad fye to gtagak, na talandè to gsalig di tah tanà ani.

Salmo 37:33

Kabay là fbayà Amuito Dwata i to fye di falel i dad to dmuen kenen; balù nebela kenen di kasfala là faloh Dwata ku nukumla kenen di salà.

Dad Fngewe 12:13

I to sasè mfawel kenen fagu di sasè taluan, bay i to matlu galwà di ksamuk.

Matyu 6:13

Nangam faloh di gami i dad tilew gamgebe gami di salà, bay falwaam gami di ku Satanas gumdà i kdee sasè.

Matyu 10:15

Na tulengu gamu i kaglutan, di duh kukum Dwata dad to, balù too maflayam dad to sasè mdà di dad banwe Sodom na Gomora, mdatah fa kaflayam i dad to di banwe tnagakyu.”

Dyud 1:6

Fandamyu dad kasaliganan, i mlafà i glal blé Dwata dale, na là mimò i fimò Dwata dale, du tnagakla i tagnè gumnèla. Taman bnilanggù ale Dwata na magbakus ale di too gukifun kel di duh kukuman.