1 Timoti 6:16 - Blaan Sarangani

¹⁶ Kenen alò i là mati, mnè kenen di too gumalwan i landè to gafdadong dun, landè to lmen mite kenen, na landè to gmagan mite kenen. Kenen sa i too mgafè, too magdayen, na i kagotan landè gusenan. Amén.

1 Timoti 6:16 Referans Kwoze

1 Timoti 1:17

Taman di Dwata gumlé i kdeeito dad to i afè na dayen kel di landè sen, du kenen sa i Harì magot i kdee kel di landè sen, i là fakay mati, i là fakay teen, na kenen alò Dwata. Amén.

Dyan 1:18

Landè to lmen mite Dwata, bay i sen Tingaan, du lê kenen Dwata na i too kanbong nawa i Maan, na fgadean di gito i kagkah i maan.

1 Dyan 1:5

Ani santulen talingemi di katdò Tingaan di gami, dunan Dwata i too glut lwa, na landè kifu di kenen balù tukay.

Salmo 90:2

Di là fa mgimò i dad bulul na balù i tanà na i banwe ani, ge sa i Dwata landè gumdà na landè gusen.

Kolosas 1:15

Na Krayst Dyisas fbaling to, na di kenen i gumiteito kdee gablà di Dwata, i là fakay teen, tagnè kenen Tingà Dwata na mdatah di kdee mgimò.

Dyan 6:46

Ise ku én kayègu man ku nun to lmen mite i Màgu Dwata du alò agu, i mdà di Dwata, mite kenen.

Tafite 22:5

Na di bang én, talandè kifu. Na landè gukmamu i salò ku demen kneng i duh, du Amuito Dwata mgimò salòla. Na i kagotla magin di Dwata kel di landè sen.

Salmo 104:2

kamlaweh ge i bong knengam; hae, du tanbelam i langit salngad i bong ataf di tah i banwe.

Éksodus 3:14

Na lêman talù Dwata di ku Mosis, manan, “Agu sa Dwata, i landè gutambùgu, na landè gusengu. Tulenam dale agu i mdek ge di dale.

Tafite 4:11

“Amumi Dwata, ge too gablà dmawat i kdayen, kafè, na glal, du ge tamimò i kalbong kdee, na mdà di knayeam i kdee tamgimò.” Ani lingag i dad lwe falò fat ulu.

Tafite 1:6

Na ani tanimoan ito dad to fakay magin kenen di kagotan, na fbalingan ito dad bà di Maito Dwata. Na taman too ito dmayen i kdatahan du landè gusen i kagotan. Amén.

Dyud 1:25

Dnayenito kenen i alò sen Dwata, i gafalwà gito fagu di ku Dyisas Krayst i Amuito i mfun kdee kafye, kdatah, ktulus, na glal di kdee. Tagnè kenen mdà di là fa mgimò i klamang banwe kel ani, na kel di landè sen. Amén.

Ifisus 3:21

Tooito dnayen Dwata i kdeeito dad faglut di kenen fagu di ksasatuito di ku Krayst Dyisas, duh ani na kel di landè sen. Amén.

Tafite 7:12

Na manla, “Amén. Too glut ani. I Dwataito, too kenen gablà dmawat kdayen, kfangamfù, kablé fye, na afè, du kenen mfun i kfulung na glal, na too kenen mtulus, kel di landè sen. Amén.”

Hibru 13:8

Du Dyisas Krayst knean i knean, laan mgili mdà fa di muna, kel i ani, na kel di atuan landè sen.

Éksodus 33:20

Kabay là fakay ku teenam i bawehgu, du balù simto to mite i bawehgu mati sa.

Tafite 21:3

Na nun lingegu i bong talù mdà di gusudeng i gumdatah, manan, “Neyeyu, mdà ani mnè Dwata di saféd i dad ton. Na mnè kenen di dale na mgimoan ale dad ton, na kenen i mgimò Dwatala.

Dyan 14:9

Na man Dyisas, “E Filif, tamlo agu mnè di safédyu, na laam agu fa gadè? Nè i to mite deg teenan Mà. Taman kan ku manam, ‘Fitem gami Mà?’

Tafite 1:8

Na man Amuito Dwata, “Agu Too Mtulus, agu gutambù i kdee, na agu alò fakay mnge i kdee. Na agu tagnè mdà di kagatbuan kel ani, na kel di atuan landè gusengu.” Ani man Dwata.

Dyan 8:58

Na man Dyisas, “Tulengu gamu i kaglutan, di là fa sut Abraham tagnè nun agu.”

Filifos 4:20

Fye ku too magdayen Maito Dwata kel di landè sen. Amén.

Dyém 1:17

Du i gumdà i kdee fye gdawatito, dunan di Dwata mimò i kdee mneng di langit, i kneng gal mgili na slaan maglidung. Kabay Dwata landè gumgilin, na landè gukulang i kablén.

1 Dyan 1:7

Kabay ku mnè ito di lwa salngad i knè Dwata di gumalwan, nun ksasatu nawaito di demeito to faglut, na kdee salaito tatoo mgalob fagu di litè Tingaan Dyisas falohan di krus.

1 Dyan 4:12

Too glut landè fa to mite Dwata, bay ku sakdo ito, mnè kenen di gito, na i kakdon i mnè di nawaito too matnù.