1 Timoti 4:15 - Blaan Sarangani

¹⁵ Na too ge mimò i nimò tagablé di ge gusen i nawam, du fye teen i kdee dad to too midul i kimoam fye.

1 Timoti 4:15 Referans Kwoze

Matyu 5:16

Salngad én gamu, tooyu fneng i salòyu di kdee dad to, du fye teenla dad fye nimòyu, na dnayenla i Màyu di langit.”

Salmo 104:34

Lehew moon kenen di kdee lingaggu ani, du kenen i kanlehewgu.

Dad Nimò 6:4

du fye én alòmi nimò dmasal na tamdò Tnalù Dwata.”

Titus 2:14

Blé Dyisas i kton di fati tlas gito, du fye falwaan ito mdà di kdee salà, nlaneban ito, nimoan ito dad to nfunan, na banlén ito ayè mimò fye.

Salmo 119:97

Amugu Dwata, too mabtas di deg i dad flaloam; tayud i duh toogu gal fandam.

1 Timoti 4:6

Ku tdoam di dad flanekito faglut i fngewegu ge ani Timoti, mgimò ge fye salig Dyisas Krayst, du too ge gambet i kdee glut tdò gablà di kafaglut ku Dyisas i laloam kel ani.

Salmo 119:99

Du toogu gal fandam i gmanam, na baling mdatah fa i deg gnadè di kdee to tamdò deg.

2 Korintu 8:5

Landè imen nawami ku én kalbong i gaganla blé, bay nun fa too mdatah mgimòla, dunan bléla i ktola di Dwata. Kafnge én, fdanàla ktola mlalò i kmanmi, du én knayè Dwata.

Salmo 105:5

E gamu bel Abraham, i salig Dwata, gamu bel Dyékob, dad to mgalék Dwata, fandamyu i dad kafye mgimò Dwata, i dad gamtikeng mgimoan, na i dad kukuman i dad to dmuen kenen.

Salmo 49:3

I fandamgu i dad mabtas mngalam fandam, na talù agu i dad tnalù i nun gukmamu dun.

Salmo 19:14

Amugu Dwata, kayègu ku kdee talùgu na kdee fandamgu slame fye di ge, du ge gambet i batu guflidunggu, na ge i msò deg di salàgu.

1 Korintu 16:15

Dad flanekgu, gadèyu i muna faglut di ku Dyisas di banwe Akaya, dunan ale Stifanas. Too ale fgal tmabeng i dad demela faglut di Dwata. Taman fakdogu di gamu,

Salmo 63:6

Di kilègu faldam agu ge; tayud i butang ge i fandamgu.

Salmo 1:2

Kabay én too gaflehew kenen i flalò Amuito Dwata; saflas mduh na butang galan fandam i flaun.

2 Korintu 4:14

Gadèmi kadang di satu duh, Dwata i tamték i Amuito Dyisas Krayst mdà di fati, lê kenen mték gito, du masasatuito di ku Dyisas. Na neben gami salngan gamu ditù di muna Dwata.

1 Timoti 4:14

Nangam tatì fbayà i gnagan blé i Tulus Dwata di ge i gdawatam fagu di ktalù i dad tugad Dwata, di kafkah i dad ulu di simbahan i falella di tah ulum.

1 Timoti 4:16

Toom neye ku tan i galam nimò na i katdoam du fye là gsalà. Fadlug ge mimò kdee ani, du fagu di galam nimò na i katdoam, galwà ge, na galwà i dad to flinge di ge.