1 Tésalonika 5:8 - Blaan Sarangani

⁸ Kabay du gito dad to mnè di gumalwan, too ito smalig di Dwata, na lsak i klung i kfeito, dunan kafaglutito na kasakdoito, na klung i uluito, dunan kfatanito i kagalwaito.

1 Tésalonika 5:8 Referans Kwoze

1 Fiter 1:13

Taman tooyu fkah di fandamyu klalòyu Dwata, du fye landè gablabal di klalòyu kenen. Na too gamu fgeye na fnè di nawayu i kfatanyu, dunan i kafye blé Dwata gamu kadang di duh kasfulê Dyisas Krayst.

Ifisus 6:11

Na lsakyu i kdee klung blé Dwata gamu, du fye là gamu fisan i dad sasè kafgaw Satanas.

Hibru 6:19

Na too nun imen nawaito too dnohò Dwata fakangan, du kenen sa gusmaligito. Na Dyisas, muna di gito salu di langit, na mbaling kenen mdatah baito di Dwata landè gusenan salngad ku Mélkisidék.

1 Korintu 13:13

Taman kloito mnè di tah tanà, nun tlu landè gusenan, i too nun gukmamuito, dunan i kafaglutito di Dwata, i tooito fatan ditù di langit, na kalbong nawaito i demeito to. Kabay i too mdatah di tlu ani, dunan kalbong nawa.

1 Tésalonika 5:5

du kdeeyu dad to tamnè di gumalwan, du talà ito nan mnè di gukmifun,

1 Dyan 1:7

Kabay ku mnè ito di lwa salngad i knè Dwata di gumalwan, nun ksasatu nawaito di demeito to faglut, na kdee salaito tatoo mgalob fagu di litè Tingaan Dyisas falohan di krus.

1 Fiter 2:9

Kabay gamu sa i dad to mgalék Dwata du fbalingan gamu dad ton, i dad to mgimò Hariito Dwata i damsù di kenen, dad to matlu gakuf di kagotan, dad to nfunan fye gamtulen i dad fye mgimoan, du tatlon gamu mdà di gukmifun, na fsalun di gumalwan.

2 Korintu 6:7

Na lêmanmi fite gami dad salig Dwata fagu di katdòmi i kaglut, na fagu di ktabeng i eneg Dwata di kdee nimòmi. Na du tamatlu gami di kite Dwata, ani klungmi na atumi misan i dad sasè.

Ifisus 6:23

Kayègu ku blé Maito Dwata na Amuito Dyisas Krayst di kdee dad flanekito faglut, ktanak nawa na kasakdo gagin di kafaglutyu.

Galasya 5:5

Kabay gami, mdà di kafaglutmi, nun imen nawami fbaling gami Dwata matlu di kiten, na ani sanfatanmi fagu di kgal i Tulusan.

Salmo 43:5

Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”

Salmo 42:11

Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig di Dwata, na lêman agu dmayen kenen, du kenen i falwà deg, na kenen i Dwatagu.”

Salmo 42:5

Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”

2 Tésalonika 2:16

Kayègu ku Amuito Dyisas Krayst na Maito Dwata i mbong nawa gito, na tamgal gito fagu di kafyen kel di landè sen, na mlé gito klehew di kfatanito,