1 Korintu 14:25 - Blaan Sarangani

²⁵ Du i tdòyu tadè di nawala na tafite di dale i sasè fandamla gbunila. Na taman msal ale na lkuad ale, du mangamfù ale di Dwata, na manla, “Too glut dini Dwata di safédyu.”

1 Korintu 14:25 Referans Kwoze

Tafite 5:8

Na di kagwean i sulat ani, i fat gambet lmanaf na lwe falò fat ulu lkuad di muna i Tingà Bilibili, du mangamfù ale di kenen. Na kat satu di dale magot satu agaf gambet i fuglung dnagit arfa. Na nun nagotla tukung blawen fnò falbuk too fye bun, dunan dad dasal i dad to nfun Dwata.

I Fye Tulen gablà ku Dyisas Krayst i Sulat Luk 17:16

Na lkuad kenen di muna Dyisas du too mlé fye di kenen. Na lagi ani ise kenen Dyu, bay to mdà di Samériya.

I Fye Tulen gablà ku Dyisas Krayst i Sulat Luk 8:28

Na di kiten ku Dyisas, mkit kenen na lamfan di munan, na falbongan i taluan, manan, “E Dyisas, Tingà i Too Mdatah Dwata, tan i kiboam deg. Fnigu di ge, nangam agu fanlayam.”

I Fye Tulen gablà ku Dyisas Krayst i Sulat Luk 5:8

Kite Simon Fiter i bong tnikeng ani, lkuad kenen di muna Dyisas, na manan, “E Amu, beg ge fawag di deg du agu satu to too gamsalà!”

Salmo 72:11

Kdee harì lkuad kadang di munan, na kdee sahal dad to mimen i knayean.

Dyénésis 44:14

Na di kasfulê Dyuda na i dad flanekan di gumnè Dyosif, déén fa kenen, na gasil ale lkuad di munan.

Tafite 19:4

Kafnge én, i lwe falò fat ulu di dad to faglut, na i fat gambet lmanaf i too mto, lkuad di muna Dwata, i sudeng di gusudeng i gumdatah, du mangamfù ale di kenen, na manla, “Too glut sa. Dnayenito Dwata.”

Dyan 4:19

Na man i libun, “Nilègu nan ge satu tugad Dwata, taman tan i manam gablà ani?

Dad Nimò 4:13

Na too tikeng i dad ulu i dad Dyu di klabè Fiter na Dyan talù, du alò ale btal to na landè alì gnadèla. Kabay toola dilè magin ale ku Dyisas.