1 Fiter 5:7 - Blaan Sarangani

⁷ Tooyu salig di Dwata kdee gamsamuk i nawayu, du kenen too mifat gamu.

1 Fiter 5:7 Referans Kwoze

Filifos 4:6

Balù tan kel di gamu nangyu fsamuk i nawayu, bay too gamu mni di Dwata i kdee klidùyu. Na di kafniyu, gal gamu mlé fye di kenen.

Salmo 37:5

Fagotyu i ktoyu na kdee nimòyu di Amuito Dwata; smalig gamu di kenen na tnabengan gamu.

Salmo 34:15

I Amuito Dwata, toon neye i dad to matlu, na lingen i katlola kenen.

I Fye Tulen gablà ku Dyisas Krayst i Sulat Luk 12:22

Na manan di dad to gal mlalò kenen, “Taman ani mangu di gamu, nangyu fsamuk i nawayu gablà di dad klidùyu, i galyu knaan, na gablà di lawehyu ku tan klaweh galyu lsak.

Mark 4:38

Kabay Dyisas déén kenen di ulin tamdanan du kudang. Na nukatla kenen, na manla, “E To Tamdò, tafan ito galnab! Mayè ge kè ku mlimas ito?”

Dyan 10:13

Mila i to tnaden, du ise kenen mfun i dad bilibili, na là ale mabtas di kenen.

Salmo 40:17

Kabay deg, landè galgu na landè gumwègu di klandègu, bay i Amugu Dwata, là mlifet deg. Dwatagu, ge alò i tmabeng deg na falwà deg mdà di sasè kagkahgu; begam agu gasil tnabeng.

Dad Fngewe 16:3

Saligam di Dwata i kdee nimoam na i kdee fandamam nimò, du fye gdohò.

Matyu 6:27

Nun kè di gamu tmugad i klawilan balù tukay fagu di kafsamuk i nawan gablà di kliduan? Landè sa.

Matyu 6:28

Na tan fa ku fsamukyu nawayu gablà di klawehyu? Fandamyu dad bulek di bnas, ku tan kibò ktabòla. Là ale faflayam meye klidùla na là ale mimò klawehla.

Matyu 6:31

Taman nangyu fsamuk nawayu, na nangyu man, ‘Tanè gumwèmi i knaanmi? Tanè gumwèmi ninummi? Tanè gumwèmi klawehmi?’

I Fye Tulen gablà ku Dyisas Krayst i Sulat Luk 12:26

Na ku làyu gagan mimò tukay ani, kan ku fsamukyu nawayu gablà di dademe dad klidùyu.