1 Dyan 5:7 - Blaan Sarangani

⁷ Nun tlu fgadè na Dyisas Krayst too glut Tingà Dwata,

1 Dyan 5:7 Referans Kwoze

Matyu 28:19

Taman salu gamu di dad to di kdee dad banwe di tah tanà, na flalòyu ale deg. Na bnunyagyu ale di dagit Dwata Mà, na i Tingà, na i Mtiu Tulus.

2 Korintu 13:14

Kayègu ku banlé gamu Amuito Dyisas Krayst kafye, na i kalbong nawa Dwata na i ksasatu nawayu di Tulusan samnagin gamu.

Dad Nimò 5:32

Gami sa fakay tmulen gablà i kdee ani, du tateenmi Dyisas kafngen mték, na nun satu fa mite dun, dunan i Mtiu Tulus blé Dwata di dad to mimen kenen.”

Dyan 1:1

Di muna, di landè fa mgimò balù i tan, tagnè nun Tnalù. Mnè kenen di saféd Dwata, na kenen sa Dwata.

Dad Nimò 2:33

Na ani tafdatah Dwata kenen ditù di kwananan. Na tagdawatan i fakang Maan, dunan i Mtiu Tulusan tafeben dini, na kdee teenyu na lingeyu dini slame mdà di kenen.

1 Dyan 5:6

Na di ksalu Dyisas Krayst dini di tah tanà mdà di langit, gnagun i yéél di kafbunyagan na i litè di kfatin. Na ise ku salu kenen dini du alò fbunyag di yéél, bay du falohan i litean di kfatin di krus. Ani faglabat Tulus Dwata di gito na too glut, du slame glut i kdee faglabatan.

Dyan 8:54

Tmimel Dyisas, “Ku deg dmayen i ktogu landè btas i kdayen én. Kabay i dmayen deg i Màgu, dunan i manyu Dwatayu.

Matyu 17:5

Na di slengan fa talù, maglimun ale i labun too mneng, na nun talù mdà di labun, manan, “Ani i tingàgu toogu kanbong nawa, na too fye i nawagu kenen. Flinge gamu kenen!”

Dyan 10:30

Mà na deg, satu gami.”

Salmo 33:6

Fagu alò di tnaluan mgimò Amuito Dwata i langit, duh, na bulen, na i kdee blatik.

Dyan 5:26

Du i Màgu gumdà i nawa, na salngad agu i Tingaan lê gumdà i nawa.

Tafite 19:13

Na i klawehan taalam di litè, na i dagitan Tnalù Dwata.

Dyan 12:28

Na man Dyisas di Maan, “Mà, fitem i kdataham fagu di kaflayamgu ani.” Na nun talù mdà di langit tmimel, manan, “Tafitegu i kdatahgu, na lêmangu fite.”

Dyan 8:18

Tmulen agu gablà di ktogu, na Màgu i mdek deg, lê tmulen gablà di deg.”

Matyu 18:16

Kabay ku laan ge fanlinge faginam satu ku demen lwe to, du fye nun lwe ku demen tlu to mlinge i kdee gmanyu.

1 Dyan 1:1

Smulat gami gablà ku Dyisas Krayst i dnagit Tnalù i gumdà falami nawa. Tagnè nun kenen mdà di là fa mgimò i banwe, na talingemi i taluan, na tateenmi na tagagotmi kenen.

Dyan 14:17

dunan Tulus Dwata, i Tamdò i Kaglut. I dad to di tah tanà ani dmuen Dwata, làla kenen gdawat du làla kenen dilè, na làla gadè ku simto kenen. Kabay gamu, gadèyu kenen, du déén kenen di gamu, na mnè kenen di lam nawayu.

Dyan 15:26

“Ku tadekgu salu di gamu mdà di Mà i To Tmabeng, dunan Tulus Tamdò i Kaglut mdà di Mà, kenen tmulen gablà di deg.

1 Dyan 5:8

dunan Tulus Dwata, na i kafbunyagan di yéél, na i litean falohan di kfatin di krus, tlu ani too masgagin.