1 Dyan 5:3 - Blaan Sarangani

³ Du ku mimen ito i dad flaloan gito, ani gugmadeito i kakdoito kenen too glut. Na là too blat i dad flaloan.

1 Dyan 5:3 Referans Kwoze

Dyan 14:15

“Ku bong nawayu deg, nimenyu sa i dad flalògu.

Dyan 15:10

Ku nimenyu dad flalògu, mnè gamu di kakdogu, salngad deg, du nimengu dad flalò Màgu, na mnè agu di kakdon.

2 Dyan 1:6

Na i too glut kakdo gmangu ani, faglabatgu gamu i gumtatekan, dunan tooito nimen dad flalò Dwata gito. Talingeyu mdà fa di kagatbuan i satu flaloan, dunan too ito mnè di kasakdo.

1 Dyan 2:3

Ani gudmilè too glut gmadè ito Dwata, ku nimenito i kdee flaloan gito.

Roma 7:22

Na too nun ayè i nawagu mimen i dad flalò Dwata.

Dyan 15:14

Na gamu dad too glut demegu sakdo ku nimenyu dad flalògu.

Hibru 8:10

Na lêman mangu di dale gablà di falami dalan. Ku kel kadang i duh i gmangu di dale, fkahgu i dad tdògu di lam i fandamla, na di nawala. Na di bang én agu mbaling Dwatala, na ale mbaling dad togu.

Roma 7:12

Kabay i flalò, én gumdaan di Dwata, taman i kdee dekan slame mtiu, matlu, na fye.

Dad Fngewe 3:17

Na i dalanan dunan klehew, na i ktanak knè.

Salmo 119:140

Too glut, dnohoam kdee fakangam, na i saligam ani too mbong nawa dale.

Éksodus 20:6

Kabay i to kamdo deg, na mimen i flalògu, fitegu i kakdogu di dale, kel di file libu kansad dad bella.

Matyu 23:4

Dee flalòla i dad to too malima nimen, gambet fkakifla di dad to i dad too blat nebe, bay balù satu tnalò, làla agot du tmabeng mebe dun.