1 Dyan 2:14 - Blaan Sarangani

¹⁴ Na gamu dad tua lagi, smulat agu di gamu, du tagadèyu Dyisas Krayst i tagnè di là fa mgimò i klamang banwe. Na gamu dad lamnok lagi, smulat agu di gamu, du tamgal i kafaglutyu, na mnè Tnalù Dwata di nawayu, na du tagfisanyu Satanas, i gumdà i sasè.

1 Dyan 2:14 Referans Kwoze

1 Dyan 2:13

Na gamu dad tua lagi, smulat agu di gamu, du tagadèyu Dyisas Krayst tagnè di là fa mgimò i klamang banwe. Na gamu dad lamnok lagi, smulat agu di gamu, du tagfisanyu Satanas i gumdà i sasè. Na i kdeeyu dad ngàgu, smulat agu di gamu, du tagadèyu Maito Dwata.

Kolosas 3:16

Tooyu fkah di nawayu i kdee tdò Krayst, na satdò na safngewe gamu fagu di kfulung blé Dwata gamu. Mlingag gamu lingag i dmayen Dwata, i dad salmo, na i dad lingag fgadè Tulus Dwata di gamu, na mlé bong fye di kenen mdà di klehew i nawayu.

Dyan 15:7

Ku fadlug gamu mnè di deg, na mnè i Tnalùgu di nawayu, na balù tan fniyu di deg blégu gamu.

Ifisus 6:10

Na di gusenan, ani fa mangu di gamu, du masasatu gamu di Amuito Krayst Dyisas, tangalyu i kafaglutyu di kenen fagu di bong kgal i tulusan.

Dyan 8:31

Taman man Dyisas di dad Dyu faglut di kenen gine, “Ku fnèyu di nawayu i tdògu gamu, mbaling gamu dad too glut mlalò deg,

Dyan 5:38

na là mnè tnaluan di nawayu, du là gamu faglut di to dekan.

Tafite 2:7

“ ‘Ku nun klingeyu, too gamu flinge i gman Tulus Dwata di gamu dad to faglut. Na i dad to gamfisan i dad sasè mkel di dale di klalòla deg, fankaangu ale kadang i bunge kayu mlé nawa landè sen. Na déén gumnè i kayu ani di banwe Dwata di langit.’ ” Ani man Dyisas di dad faglut di banwe Ifisus.

3 Dyan 1:3

Na di kakel i dad flanekito faglut mdà di ge toogu lehew, du tulenla deg, too ge gsalig di kaglut na fadlug ge mlalò i kaglut gablà ku Krayst.

2 Dyan 1:2

du mnè i kaglut di nawaito ani, na kel di landè sen.

Hibru 8:10

Na lêman mangu di dale gablà di falami dalan. Ku kel kadang i duh i gmangu di dale, fkahgu i dad tdògu di lam i fandamla, na di nawala. Na di bang én agu mbaling Dwatala, na ale mbaling dad togu.

Kolosas 1:11

Na fye ku toon tangal i kafaglutyu fagu di bong kgal i tulusan, du fye too gamu gamtayud, na tooyu gaftahà i nawayu di kdee kel di gamu gagin i bong klehewyu,

2 Timoti 2:1

Na ge Timoti tingàgu, fangalam nawam, fagu di ktabeng Krayst Dyisas ge.

Filifos 4:13

Du balù tan i mkel di deg di kdee dad gnagugu, gmagan agu dmawat dun, du Krayst Dyisas i tamgal deg.

Tafite 2:3

Na gadègu gamtayud gamu di dee bung kaflayam mdà di kafaglutyu di deg, na là mlungay i nawayu mimò fye.

1 Dyan 1:10

Ku manito là ito lmen gamsalà salngad ku manito tmulen kéng Dwata, na là mnè Tnaluan di nawaito.

Dyan 8:37

Gadègu gamu dad bel Abraham, bay knean kayèyu agu fnati, du làyu dnawat i tnalùgu.

1 Dyan 1:1

Smulat gami gablà ku Dyisas Krayst i dnagit Tnalù i gumdà falami nawa. Tagnè nun kenen mdà di là fa mgimò i banwe, na talingemi i taluan, na tateenmi na tagagotmi kenen.