Matthew 28:7 - Indian Standard Version (ISV) Nagamese

⁷ Joldi jabi aru chela khan ke kobi, ‘Tai to mora pora jinda hoise. Sabi, Tai Galilee te tumikhan age jai ase. Ta te tumikhan Taike dikhibo.’ Sabi, Moi tumikhan ke koi dise.”

Matthew 28:7 Referans Kwoze

Matthew 26:32

Kintu Moi mora pora uthija pichete, Moi tumikhan laga age Galilee te jabo.”

Matthew 28:10

Etu pichete Jisu taikhan ke koise, “Bhoi nakuribi. Jabi jai kene Moi laga bhai-kokai khan ke Galilee te jabole kobi. Ta te taikhan Moike dikhibo.”

John 16:4

Kintu Moi tumikhan ke eitu khan sob koi dibo, eneka hoile jitia taikhan laga somoi ahibo, tumikhan bhabona ahibo Moi tumikhan ke koi diya to. Kintu Moi shuru te etu kotha tumikhan ke kowa nai, kele koile Moi tumikhan logote he thaka karone.

Prothom Corinthians 15:4

aru Taike mati bhitor te dabai dise, aru Tai tisra dinte jinda hoise, Isor kotha hisab te,

John 14:29

Etu sob huwa age te Moi apnikhan ke koidi ase, jitia etu sob hoi jabo, titia apnikhan biswas kori lobo.

Luke 24:34

Aru koise, “Hosa pora Probhu jinda hoise, aru Simon usorte ahise.”

Mark 16:13

Tai duijon Jerusalem te wapas jai kene taikhan ke koise, kintu taikhan pora duijon ke biswas kora nai.

Mark 16:10

Aru Mary Magdelene jai kene Jisu laga chela khan ke koi dise, jun khan bisi mon dukh hoi kene kandi thakisele.

Mark 14:28

Kintu Moi jee utha pichete tumi pora age Galilee te jai jabo.”

Matthew 24:25

Sabi, Ami tumikhan ke etiya pora he eitu khan koi dise.

Prothom Corinthians 15:6

Etu pichete Tai ekbar te pans-soh upor bhai khan logot Tai dikhai dise. Kunba to etiya bhi jinda ase, kintu kunba to mori jaise.

Matthew 28:8

Mahila khan dangor bhoi aru khushi pora kobor ke chari kene joldi jaise, aru chela khan ke kobole nimite polaikene jaise.