Matthew 27:14 - Indian Standard Version (ISV) Nagamese

¹⁴ Kintu Jisu taike jowab diya nai, Taike bodnam kora khan ke bhi, titia Governor etu dikhi kene bisi asurit lagise.

Matthew 27:14 Referans Kwoze

Prothom Corinthians 4:9

Kile mane moi hisab te Isor pora apostle khan ke sob pora pichete rakhise, jineka mora laga sajai diya nisena. Kilekoile amikhan to etu prithibi pora sabole jinis ekta nisena hoi jaise- sorgodoth aru manu khan duijon ke bhi.

Matthew 26:63

Kintu Jisu chup chap thakise. Aru dangor purohit Taike koise, “Moi jinda Isor laga naam pora apuni ke hukum di ase, Apuni amikhan ke kobi Apuni Isor laga Putro, Khrista to ase na nohoi.”

Matthew 27:12

Kintu jitia moha purohit aru bura khan pora Jisu ke doshi dise, Tai eku jowab diya nai.

Matthew 27:13

Etu pichete Pilate Jisu ke koise, “Apuni uporte bodnam khan ani kene diya to Apuni huna nai naki?

Mark 15:5

Kintu Jisu eku kowa nai, karone Pilate bisi asurit hoise.

Luke 23:9

Titia Herod pora Jisu ke bisi kotha hudise, kintu Tai eku jowab diya nai.

John 19:9

Aru tai prodhan sorkari kendra te jaise, aru Jisu ke koise, “Apuni kot pora ahise?” Kintu Jisu taike eku jowab diya nai.