Luke 22:3 - Indian Standard Version (ISV) Nagamese

³ Titia Saitan pora Judas bhitor te ghusi jaise, jun laga naam Iscariot bhi asele, tai bhi chela bhitor te ekjon thakise.

Luke 22:3 Referans Kwoze

John 13:2

Aru jitia taikhan eke logot te rati laga kha-luwa kori thakise, titia Simon laga chokra Iscariot Judas laga monte bhoot ghusi se, Jisu ke thogai bole nimite.

John 13:18

Moi tumikhan sob laga kotha kowa nohoi; Moi junke basi loise taikhan he jane- kintu Shastro he pura hobo karone eneka hoise: ‘Kun Ami logote bhaat khai ase, etu he Moike laat marise.’

Acts 5:3

Kintu Peter koise, “Ananias, kele Saitan pora tumi laga mon to Pobitro Atma ke misa kobole bhorta kori dise aru ki bhikai se etu laga adha daam tumi kele loi rakhise?

Luke 22:21

Kintu sabi, kun manu Moike dhoka dibole ase, tai bhi amikhan logote bohi ase.

John 12:6

Tai etu kowa to dukhiya khan nimite chinta karone kowa nohoi, kintu tai chor asele. Taikhan laga poisa jola bhi tai logote ase, aru ta te ki halibo tai etu pora chor kori kene loi thakise.

Luke 6:16

Aru James laga chokra Judas; aru Judas Iscariot, jun he Jisu ke pichete dhoka dise.

Matthew 26:23

Jisu jowab dikene koise, “Etu ekjon kun Moi logote mili kene ekta thali te khaise, tai pora he Moike thogai dibo.

Matthew 4:10

Titia Jisu pora taike koise, “Yate pora jai jabi, Saitan! Kilekoile Shastro te eneka likhi kene ase, ‘Tumikhan khali Probhu, tumi laga Isor ke he aradhana koribi, aru khali Taike he sewa koribi.’”

Matthew 10:4

Simon ekjon Zealot, aru Judas Iscariot, jun Jisu ke thogabo.