John 10:11 - Indian Standard Version (ISV) Nagamese

¹¹ Moi bhal mer roikhya ase. Bhal mer roikhya to mer khan karone nijor jibon di diye.

John 10:11 Referans Kwoze

John 15:13

Kunba tai sathi khan karone nijor jibon diya- etu pora dangor morom aru nai.

Revelation 7:17

Etu Mer kun singhason laga majote bohi ase taikhan ke cholai kene loijabo Aru taikhan ke jinda pani usorte thaki bole dibo, Aru Isor he taikhan laga sob suku pani mussai dibo.”

First John 3:16

Etu pora amikhan morom to jane, kelemane Khrista amikhan nimite Tai laga jibon dise. Amikhan bhi nijor laga bhai khan nimite jibon dibole lage.

Hebrews 13:20

Etiya Isor laga anondo, kun pora mora pora jinda uthaise, kun sobse mohan mer rokhiya ase, anonto vachan laga khun pora,

First Peter 5:4

Aru jitia Mukhyo Mer Rokhiya ke prokahit kori dibo, titia apuni kitia bhi biya nohua mohima laga mukut pabo.

Titus 2:14

Jisu he amikhan ke niyom namana paap pora udhar koribo nimite nijor jibon daan dise, aru Tai nijor nimite pobitro kori kene ekta jati bonai loise, kunkhan bhal kaam kori bole khushi kore.

Matthew 20:28

Thik jineka Manu laga Putro sewa lobole aha nohoi, hoile bhi sewa kori bole ahise, aru bisi nimite tai laga jibon ke daan dibole ahise.”

Ephesians 5:2

aru morom te bera bhi, jineka Khrista amikhan ke morom korise aru amikhan nimite tai laga jibon Isor ke ekta mitha sugandh thaka nisena bolidan dise.

John 10:2

Kintu jun dorja pora ghusi bo tai he mer laga roikhya ase.