John 1:7 - Indian Standard Version (ISV) Nagamese

⁷ Tai gawahi hoi ahise, pohor laga kotha jonai dibole, aru sob Tai dwara biswas kori bole.

John 1:7 Referans Kwoze

Acts 19:4

Titia Paul koise, “John pora mon ghura laga baptizma pora tumikhan ke baptizma dise. Tai manu khan ke koise tumikhan John laga pichete ekjon ahi ase Taike biswas koribi, Tai Jisu ase.”

John 1:36

Titia Jisu berai kene aha dikhi kene tai koise, “Sabi, Isor laga Mer bacha!”

John 1:12

Kintu jiman jon pora Taike grohon korise, Tai he taikhan ke Isor laga bacha hobole adhikar dise, jun Tai naam pora biswas kori loise.

John 1:9

Sob manu ke pohor dibole asol pohor duniya te ahi thakise.

John 1:15

John pora Tai laga gawahi dikene eneka koise, “Etu he ekjon ase Jun nimite moi koise, ‘Jun moi laga piche ahi ase, Tai to moi pora bhi bisi dangor ase, kelemane moi laga age pora Tai thakise.’”

Second Peter 3:9

Probhu pora ki kosom dise etu aste pora loi najai, kunba manu bisi aste ase koi thake. Kintu, Tai apuni uporte morom thaka nimite Tai apuni khan kun bhi harai najabo nimite bhabona kore, aru sob manu mon ghurai kene thaki bole nimite itcha ase.

Titus 2:11

Kelemane Isor pora aha anugrah to sob manu laga poritran nimite ase.

Ephesians 3:9

aru sobke juntu tai laga asol maksad to ki ase etu dikhai dibo, ekta hosa kotha juntu Isor pora sob jinis bona homoi te lukai kene rakhidise-

First Timothy 2:4

Isor he sob manu khan ke bacha bole, aru hosa gyaan dibole itcha kore.

John 1:19

John laga gawahi etu ase, Yehudi khan Jerusalem sheher pora Levi dol laga purohit khan ke pathaise taike hudibole, “Apuni kun ase?”

Galatians 3:26

Kelemane biswas pora Jisu Khrista te apnikhan sob Isor laga bacha khan ase.