ZAKHARIA 9:4 - Alkitab Singog In Mongondow Masa In Tanaa

⁴ Táe baḻíonbí i Tuhan mobiag mobogá. Bayongan in kaoyúonan in kotá tatua in ḷumbúon-Neabí kon bonu in dagat bo kotá tatua tontaní in modaitbí kaanon in tuḷú.

ZAKHARIA 9:4 Referans Kwoze

YEHEZKIEL 28:18

Ki Tuhan in noguman, “Ei Tirus, iko in nongotor kon pooibadaanmu popisí in taḷá mita bo tombogá kon dodai in nodagang. Tuamai in tubáan-Ku in iko modapot in motondodai in butá. Bayongan in intau inta moindoi kon inimu tongádon moindoi kon ḷobud.

YEHEZKIEL 26:17

Onda intua mosia mopodondong in dondong poḷobongan kon inimu: Norimumudon in kotá inta dinende-dendé! Bayongan in kapaḷnea sinimpat nongkon baḷangon. Intaunea mita dungkuḷmai nongawasa kon dagat nodapot in intau mita in pintad noondok.

AMOS 1:10

Tuamai in potabá-Kubí mangoi in tuḷú kon dinding mita in Tirus bo momokak kon bayongan in bentengnea.”

YOËL 3:8

Ki adí monimu ḷoḷaki bo bobay in potaḷui-Ku kon intau in Yohuda, bo potaḷui bui monia kon i Syeba, butá inta totok in moyayú. Akuoi, ki Tuhan, ain noguman.

YEHEZKIEL 28:16

Iko in mosibuk in modagang, bo tuata in nodia kon inimu pamandot bo nogaid kon dosa. Dá pinoguntun-Ku in iko nongkon buḷud-Ku inta motusi, bo malaekat moḷoḷukadmu nogampoi kon inimu nongkon yua-yuak in permata inta mopouḻi-uḻinag tua.

YEHEZKIEL 28:8

Iko in ḻimodonbí bo ḷobongon kon bonu in dagat.

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

AMSAL 11:4

Aka tumayowdon kon popatoi, yo kapunyaan in diá bidon in mangaḻenea; mosaḷamatbí in iko aka motuḻid in ginamu.

AMSAL 10:2

Kaoyúonan inta nouḻí pinongin tombogá diábí mobogoi in kauntungan; táe, gina motuḻid in mokosaḷamat.

YESAYA 23:11

Ki Tuhan ain nopoyopa in ḻima-Nea kon ḻimonikan in dagat bo mopoḷabúdon kon dodatuan mita. Sia in nomarenta sinbá poḷoḷukadan mita kon Penisia in yompatondon.

ZAKHARIA 9:5

Kotá in Askelon bo Gaza in mokoontongbí kon inia bo angoian in ondok. Ekron in mokoontongbí doman bo kobuḻian in bayongan in kamangnea. Gaza in kobuḻian in datunea, bo Askelon in mobaḻí moingongow diá in mogogutun.