ZAKHARIA 8:6 - Alkitab Singog In Mongondow Masa In Tanaa

⁶ Soaḷ tatua in koontongan diá kumaan kon akaḷ kon intau mita inta nobiagpa nongkon bangusa tanaa, táe diábí in diá kumaan kon akaḷ-Ku.

ZAKHARIA 8:6 Referans Kwoze

YEREMIA 32:27

“Akuoibí in Tuhan, Allah in bayongan intau. Diábí in mororiga-Ku aidan.

LUKAS 18:27

Ki Yesus in notubag, “Inta diá motaau aidan in intau, mogampangbí i Allah aidan!”

LUKAS 1:37

Sin aka kon i Allah, diábí in diá motaau aidan-Nea.”

LUKAS 1:20

Habar inta totu-totuu kon mobaḻí kon wakutu inta ain sinantú i Tuhan, tongá iko bo diá mopirisaya kon singogku naa, dá iko in diádon mokosingog dapot intua komintan mobaḻí ná kain singogku.”

YEREMIA 32:17

“Tuhan Inta Totok in momulia, Ikobí inta nomaḻí kon ḷangit bo butá pinongin kawasa bo ropot-Mu inta moḷoben. Diábí in tobatúmai in mororiga aidan-Mu.

DATU MITA 2 7:2

Itoi in tontara inta moḷoḷukad kon i datu in notubag, “Naondabí! Diábí kumaan kon akaḷ intua, umpakabí kon tanaa mako doman ki Tuhan in mopoangoi in uyan morogot nongkon ḷangit!” “Bain indoianmu tontaní in kobaḻían intua, táe iko in diábí moikaan kon kaanon tatua umpaka tongá topiḻikmai,” tubag i Elisa.

KINOBAḺIAN 18:14

Eta oyúon in diá komampuan i Tuhan aidan? Ná inta pinoguman-Ku koina, siowpa nobuḷan Akuoi in mobui mangoi kon naa. Bo kon dodai intua ki Sara in mopononggadídon in adí ḷoḷaki.”

MAZMUR 118:23

Tuata in aid i Tuhan, totuu mokoherang kon inaton.

MATIUS 19:26

Ki Yesus inimindoi kon i monia bo nosingog, “Aka podudui in raian intau yo tua in mororigabí aidan! Táe aka kon i Allah, yo mogampangbí totok intua.”