ZAKHARIA 8:19 - Alkitab Singog In Mongondow Masa In Tanaa

¹⁹ “Puasa inta pinobayá kon buḷan noginggopat, noginḻima, noginpitu, bo nogimpuḷú in mobaḻíbí poramean mita inta mokoḷunganga bo mokosanang kon intau in Yohuda. Kotá bidon in inta moitutui bo inta modame!”

ZAKHARIA 8:19 Referans Kwoze

YEREMIA 39:2

Kon singgai in siownea buḷan inggopatnea taong impuḷú bo mita kon pinomarentaan i Datu Zedekia, dinding in kotá dinangatan in musung,

ZAKHARIA 8:16

Naa in parenta mita inta musti aidan monimu: Aka mosingog, singogdon inta totuu kon tumpaḷa intau. Ogoi in bontow in tosingogon inta moadil bo inta modia kon modame.

ZAKHARIA 7:5

Kai-Nia, “Potaaudon kon bayongan intau kon butá tanaa bo kon imang mita, kon puasa bo amui inta pinobayá monia kon buḷan noginḻima bo noginpitu kon bonu in pitu notaong naa deemanbí mohoromat kon i-Nakó.

ZAKHARIA 7:3

Mosia in pinotabá doman noḻibó kon imang mita bo nabi mita, nanaa, “Paraḷupa degá in kami mogamui kon kinorimumudan in Baḷoi i Tuhan takin mopuasa kon pomuḷoi in buḷan noginḻima ná inta ain inaidanmai nami kon taongannea?”

YEREMIA 52:4

Tuamai ki Nebukadnezar takin bayongan in tontaranea namangoi bo nonubu kon Yerusalem kon singgai impuḷúnea buḷan noginpuḷú kon taong in siownea kon pinomarentaan in Zedekia. Mosia in noposindog in markas kon ḷuai in kotá, noposindog in dinding pongopungan

DATU MITA 2 25:25

Táe kon buḷan impitunea kon taong tatua ki Ismael ki adí i Netanya ki ompu i Elisama inta buípa in datu, minayá noyotakin in intau mopuḷú kon Mizpa. Mosia in nonubu bo noḻimod kon i Gedalya takin intau in Yohuda bo intau in Babel inta noyotakin i Gedalya kon tua.

MAZMUR 30:11

Indongogaipa, o Tuhan, bo kotabipa in akuoi. Tuhan tuḷungaipa kaasí in akuoi!”

YESAYA 35:10

Intau mita inta pinoḷuat i Tuhan in mobuibí; mosia in tumuot kon kotá in Yerusalem takin giow, pogot monia in moḷumbá popisí in ḷunganga in gina inta mononoi. Mosia in moḷunganga in gina bo morame; robonoḷ in gina bo amui moinggamádon komintan.

YESAYA 12:1

Moiangoibí in wakutunea moiko in modondong: “Tuhan, akuoi mopoyaput in sukur kon ini-Mu, Sin Iko in noḻipoi kon inakó. Koḻipod Iko in sinumorú kon inakó, táe tanaa in noinggamádon in torú-Mu.

ESTER 9:22

Sin kon singgai mita tatuata in mosia nonaḷow kon musung mita monia, dá robonoḷ bo nakit in gina monia nobaḷui pia bo sanang in gina. Tuamai mosia in mustibí momia kon ponanoban kon singgai mita tatua pongin bobutungan bo mongaan poḷat mosiogoian in kaanon bo mosilai kon totuḷung kon intau nobiag nobogá.

WAHYU 22:15

Táe intau mita inta nogaid kon soaḷ mita inta moromú, inta moibog monggaing, bo intau mita inta mogaid kon soaḷ mita inta mokotor, inta moḻimod, mosumba kon berhala, bo intau mita inta mouboḷ, pinomayá tosingogon ande oaid, komintan intau natua, kon ḷuai in kotá in tampatnea.

YESAYA 51:11

Dá intau mita inta pinoḷuat i Tuhan in mobuidon mosia in tumuot kon Yerusalem takin rogiow pogot monia in motarimbuka popisí in ḷunganga inta mononoi. Mosia in mobarasanang bo morogiow, kinopatoian bo amui noinggamádon.

ESTER 8:17

Kon batúan in kotá bo propinsi, kon ondaka in pinobacaan kon surat parenta i datu, yo intau mita in Yahudi in mopiabí in gina, nongosanang in gina bo norame. Nodapot in nobayong in intau kon tua in sinumuotdon nobaḻí intau in Yahudi, popisí in mosia in noondok kon bangusa tatua.

YEREMIA 36:6

Tuamai, aka wakutuneadon mopuasa in intau, yo iko in musti mayá intua, bo baca koropot in bayongan inta ain pinogumanku kon inimu, sinbá mosia in mokodongog komintan kon inta pinoguman i Tuhan kon inakó. Baca intua nongkon tampat inta bayongan intau kon bonu in Baḷoi Tuhan mokodongog kon tua mita, noitakin doman in intau in Yohuda inta namangoi nongkon kotá mita monia.

ZAKHARIA 8:3

Akuoi in mobui mangoi kon Yerusalem, kotá-Ku inta motusi tatua, bo mogutun kon tua. Yerusalem in kotaauandon saḷaku kotá inta motoindudui, bo tombuḷud i Tuhan Inta Totok in mokawasa in tangoionbí tombuḷud inta Motusi.

ZAKHARIA 8:18

Ki Tuhan Inta Totok in mokawasa nobogoi in koyow tanaa kon inakó ogoi kon umat-Nea,

DATU MITA 2 25:1

Onda intua ki Zedekia in nomarontak kon i Nebukadnezar datu in Babel. Tuamai in ki Nebukadnezar takin bayongan in tontaranea namangoi bo nonubu kon Yerusalem kon singgai impuḷúnea kon buḷan noginpuḷú kon taong noginsiow kon pinomarentaan i Zedekia. Mosia in noposindog in markas kon ḷuai in kotá, noposindog doman in dinding pongopungan,

MAZMUR 34:15

Poyayúdon in inta moraat, bo aidaidon in inta mopia, ḷongasidon totok in mobiag mododamean.

YEHEZKIEL 18:8

Diábí kon dodai in onda in sia in mopoḷuan bo moigum kon rentenea. Sia in doíbí momia kon inta moraat bo pomuḷoi in oyúon rogenggeng toḻisíonneabí kopiaan.

YEHEZKIEL 24:1

Kon singgai impuḷúnea, buḷan nogimpuḷú doman, kon taong in siownea kon tungkuḷ in pinoḷumbúan kon inami, ki Tuhan in noguman kon inakó,