ZAKHARIA 8:10 - Alkitab Singog In Mongondow Masa In Tanaa

¹⁰ Kon dodai in deemanpa oras tatua diábí mokotondan kon tonaga in intau andeka mahaḷuk, bo diábí in mokorasa kon moaman nongkon indoyó in musung. Pinoropatoi-Kudon in intau tobatú takin intau ibanea.

ZAKHARIA 8:10 Referans Kwoze

AMOS 9:4

Aka mosia dakopon in musung, yo pokiḻimod-Kubí in mosia. Niaton-Kubí yompaton in mosia, bo diábí in motuḷung kon i monia.”

AMOS 3:6

Degá diá mourot in intau kon kotá aka mokodongog kon singog in torompet tomponuot in parang? Degá kotá tobatú kotugatan in bodito, aka diá potabá mangoi i Tuhan intua?

YESAYA 19:2

Ki Tuhan in noguman, “Akuoi in moposindogbí in ropatoi kon motoḷuadí kon Mesir: Utat moyogintayow in utat, topodiug moyogintayow in topodiug, kotá moyogintayow in kotá bo dodatuan moyogintayow in dodatuan.

YEREMIA 16:16

Ki Tuhan in noguman, “Akuoi in mogoiníbí kon nobarong in mododomok kon toyá sin modomok kon intau mita tanaa. Onda intua mogoiní in Akuoi kon mogogungkú sin mogaḷow kon i monia kon bayongan in buḷud bo tombuḷudnea, bo kon angob mita in tombuḷud batu.

HAKIM MITA 5:11

Kon diug in parigí mita kinodongogandon in intau nodondong noyotakin, mongonguman bui kon kinountungan i Tuhan inta mopobui-buimai, kinountungan in Israel, umat i Tuhan. Dá nopipidon in mosia minayá in ngara in kotá.

HAGAI 2:15

Ki Tuhan in noguman, “Tungkuḷaika, taridiai onu inta ain nobaḻí kon singgai koḷabung, kon dodai in Baḷoi-Ku tanaa diápa sinompia bui! Naonda in kaadaanmu kon dodai intua?