ZAKHARIA 7:3 - Alkitab Singog In Mongondow Masa In Tanaa

³ Mosia in pinotabá doman noḻibó kon imang mita bo nabi mita, nanaa, “Paraḷupa degá in kami mogamui kon kinorimumudan in Baḷoi i Tuhan takin mopuasa kon pomuḷoi in buḷan noginḻima ná inta ain inaidanmai nami kon taongannea?”

ZAKHARIA 7:3 Referans Kwoze

ZAKHARIA 8:19

“Puasa inta pinobayá kon buḷan noginggopat, noginḻima, noginpitu, bo nogimpuḷú in mobaḻíbí poramean mita inta mokoḷunganga bo mokosanang kon intau in Yohuda. Kotá bidon in inta moitutui bo inta modame!”

MALEAKHI 2:7

Totuu kon nobaḻí oaidan in imang mita in motundú kon inta mobanar soaḷ Akuoi, ki Tuhan Inta Totok in moḷantud. Kon i monia tuata in poḻibóan in rayat mongo onu in koibog-Ku, sin mosia tua in totabá-Ku mita.

KORINTUS 1 7:5

Doyowa motonibuḷoi in diábí motaau in mosiyayúan. Motaaubí asaḷbo muna moyosingog bo diá motaau moonggot. Aka natua yo doyowa motonibuḷoi in tumpaḷa motaau mosisambayangan. Tongá naonda intua moiko in mustibí bui motobatú saḷaku doyowa motonibuḷoi. Sin aka diá natua yo koonggotannea kogonúanbí in roho inta diá mopia, sin diá mokotahang kon ibog in awak.

MATIUS 9:15

Ki Yesus noḻibó bui kon i monia, “Motaau degá aka nonikaan ḷoḷaki koyotaki-takinpa monia bo yobayatnea mita morobonoḷdon in dodob? Tantú diábí! Oyúonbí in wakutunea nonikaan tatua gamáan nongkon sigad monia. Bain kon wakutu intuata bo mopuasa in mosia.

ZAKHARIA 7:5

Kai-Nia, “Potaaudon kon bayongan intau kon butá tanaa bo kon imang mita, kon puasa bo amui inta pinobayá monia kon buḷan noginḻima bo noginpitu kon bonu in pitu notaong naa deemanbí mohoromat kon i-Nakó.

HAGAI 2:11

Kai-Nia, “Poigumdon kon bontow in tosingogon kon imang mita kon soaḷ tanaa:

YOËL 2:17

Potabádon in imang mita inta nogundoi kon i Tuhan, mongombaḷ kon sigad in mezbah bo dangkuḷonnea kon muna, sindaḷan moguman, “Kotabipa kaasí in umat-Mu, o Tuhan; dika pomayá mako in kapunyaan-Mu tongososingkuḻe mako,” dá bangusa mita ibanea monigid poḷat moguman, “Kon onda in ki Allah monia?”

HOSEA 4:6

Moiko, imang mita, diá mopandungmai kon i-Nakó, dá umat-Ku in diá domandon mopandungmai kon i-Nakó dá nobodito in mosia. Moiko in nondoí kon totundú-Ku mita. Dá, Akuoi in mondoí doman kon i monimu, bo ki adímu mita in diá doman akúon-Ku saḷaku imang-Ku mita.

MOHOHUTUBA 3:4

Ki Allah in nonantú kon wakutu mongombaḷ bo wakutu kumosing, wakutu mogamui bo wakutu motayok,

ULANGAN 33:10

Mosia notundú kon umat-Mu dinumudui kon bayongan in parenta-Mu bo noposumba in kuruban kon tudu in mezbah-Mu.

EZRA 3:10

Kon dodai in nomangkoidon nogukat kon pondasi in Baḷoi Tuhan, imang mita nogijubah bo kokada-kadai in torompet nogamádon kon tampat monia tontaní. Intau mita in Lewi nongkon inanakan i Asap in sinimindog doman kon tua kokada-kadai in goḷantung mongointok. Mosia in nodayow kon i Tuhan podudui in atorang inta ain sinantú kon tungkuḷ in ki Datu Daud.

ZAKHARIA 7:4

Naa in koyow i Tuhan inta namangoi kon inakó.