ZAKHARIA 7:12 - Alkitab Singog In Mongondow Masa In Tanaa

¹² Mosia in sinumontogat dá gina monia in nádon onda bo batu. Akuoi in sinumorú totok popisí in mosia doídon dumudui kon totundú mita inta inogoi-Kudon kon i monia pinongin nabi mita dungkuḷmai.

ZAKHARIA 7:12 Referans Kwoze

YEHEZKIEL 11:19

Mosia in ogoian-Kudon in gina mobagu bo dimukud mobagu. Gina monia inta ná kotogat in batu in gamáan-Ku bo toḻiuan-Ku in gina inta motoindudui kon i-Nakó.

TAWARIKH 2 36:16

Táe mosia in nopoyambá in totabá mita i Allah tatua, bo kinosingan monia in nabi-Nea mita poḷat doman diá mopandungmai kon tosingogon-Nea mita. Imbuitnea ki Tuhan in sinumorúdon totok kon i monia dá diádon in daḷan ibanea kon i monia kon kotaḻiban in hukuman nongkon i-Nia.

OUMAN IN RASUL MITA 28:27

Sin raian monia naa ain bidon nobangkung, bongoḷan monia in bongoḷan bo mata monia aindon binilogan. Tanaa in mobaḻí sinbá diá mokoontong in mata monia, bo bongoḷan monia in diá mokodongog, raian monia in diá momangaḻe, sin dika bo mobui kon i-Nakó, bo ampungan-Ku in mosia.’ ”

YEHEZKIEL 36:26

Dá moiko in ogoian-Kudon in gina bo raian inta mobagu. Ginamu inta ná kotogat in batu tua in baḷuian-Ku in gina inta motoindudui.

MAZMUR 50:17

Sin iko in doí mokidongog kon toboḷow-Ku, bo mondoí kon parenta-Ku mita.

MARKUS 4:12

sinbá ‘Umpaka umuran mosia monarukira táe diá kotaauan monia onu in mobaḻí, mosia umuran mokidongog, táe diá momangaḻe, naa mobaḻí sinbá mosia diá mokoontong bo momangaḻe bo dika in mosia mamangoi kon i Allah bo ampungan i Allah in mosia.’ ”

MATIUS 13:15

Sin gina in intau mita tanaa ain sinimimbunod, bo bongoḷan monia in bongoḷan bo mata monia ain binilogan. Sinbá mata monia in diá mokoontong, bo bongoḷan monia in diá mokodongog, sin dikabo komangaḻeandon monia in onu inta pinoguman bo mosia in mobui mangoi kon i-Nakó, bo posaḷamaton-Ku in mosia.’ ”

YEHEZKIEL 2:4

Mosia in pamandot bo diá mohoromat kon i-Nakó. Iko in potabá-Ku mayá kon i monia mopotaau kon onu inta bain potaau-Ku, Tuhan Inta Totok in moḷantud kon i monia,

YESAYA 6:10

Bo nogumandon in Sia kon inakó, “Bangkungaidon in raian in intau mita tatua, bongoḷai in bongoḷannea bo bilogai in matanea, sinbá mosia in diá mokoontong, mokodongog andeka momangaḻe, bo momurow mamangoi kon i-Nakó bo mopiadon.”

PETRUS 2 1:21

Sin diábí kon dodai in onda koyow inta nongkon i Allah tatua in pinotaau tongá pinodudui kon ibog in intau inta noibog nopoyaput in koyow-Nea tatua.

LUKAS 8:12

Bibit inta noḷabú kon bingkí in daḷan, tua in ibarat intau inta ain nokidongog kon Pirman i Allah, onda intua inangoi in Ibilis bo inagow in Pirman tatua nongkon bonu in gina monia, sin dika bo mosia in mobaḻí mopirisaya bo posaḷamaton.

ZAKHARIA 7:7

Tuata in siningog i Tuhan pinongin nabi mita kon tungkuḷ intua kon dodai in Yerusalem inutunanpa bo intaunea in nobiagpa notomomon. Kon dodai intua intau in diábí tongá mogutun kon ḻipú mita kon diugmai in kotá táe nodapotbí in kon dotá in toḷatan bo kon obagaanmai in tombuḷud kon dotá in toyopan.

YEREMIA 26:19

Táe ki Datu Hizkia bo intau in Yohuda in diábí noḻimod kon i Mikha. Nodapotbí in noondok in ki Hizkia kon i Tuhan bo nopoigum sinbá totabion. Dá ki Tuhan in nonginggamádon kon indoyó-Nea kon mopobodito kon i monia. Bo tanaa, gogiódon in kita mopoangoi in bodito moḷoben kon inaton tontaní.”

YEREMIA 17:1

Ki Tuhan in noguman, “Ei bangusa in Yohuda, dosamu in noikurigdon kon ginamu bo kon bayongan siku in mezbahmu mita pinais in polpen uatoi inta intau in matanea.

YEREMIA 5:3

Inta sinuntut i Tuhan in kososatiabí. Ki Tuhan in noḷubok kon i monimu, táe diá in pandung monimu. Sia in nomutuk kon i monimu, táe moiko in doí sambokon. Moiko in pamandot, bo doí mogogai in mogaid kon dosamu mita.

YESAYA 48:4

Kinotaauan-Ku kon iko in motogat in gina, motontogat in uḷu naonda bo pamandot.

AYUB 9:4

Ki Allah tua in totokbí in moarip bo mokawasa; ki ine in mokotongod in moḷawang kon i-Nia?

TAWARIKH 2 36:13

Ki Datu Nebukadnezar in nomakisadon kon i Zedekia mongibot pinodoyon kon i Allah kon sia in mosatiabí kon i Nebukadnezar. Táe kon singgai noiduduimai ki Zedekia nomarontak kon i Nebukadnezar. Ki Zedekia in nopotontogat in gina kon i Tuhan, Allah in Israel. Doí in sia monaḷámai kon dosanea mita bo doídon mobui mangoi kon i Tuhan.

YESAYA 46:12

Indongogaidon in Akuoi, ei intau mita moḷoḷatú, moiko inta noguman kon kauntungan in noyayúpabí.

YEHEZKIEL 14:5

Komintan berhala tatua in nokopopisídon kon umat-Ku iyumayú kon i-Nakó, táe igumon mako pongin tubag-Ku tatua umat-Ku in mobuidon mangoi kon i-Nakó.’

IḶUAIAN 7:13

Umpaka natua, ki datu umuranpa doman motontogat in gina bo doí mopandungmai kon tosingogon i Musa bo i Harun, ná inta ain muna pinoguman i Tuhan.

YESAYA 65:12

Moiko komintan in matoibí mita mobaḻí kuruban in aid moraat. Sin, kon dodai in Akuoi nogoiní, moiko in doíbí sinumubag, bo kon dodai in Akuoi nosingog, moiko in doíbí nokidongog. Moiko in moibo-ibogbí moḷawang kon i-Nakó bo mogaid kon inta moraat.

YEREMIA 7:20

Akuoi, ki Tuhan Inta Totok in moḷantud, in mopoumabí in torú-Ku inta motoyang kon baḷoi pooibadaan tanaa, kon intau bo kon mahaḷuk, bo kon pangkoi mita in kayu bo kon bungai mita in boyó. Torú-Ku in tumaga-tagab naonda bo tuḷú inta diá kopiongan.”

YEREMIA 17:23

Táe mogoguyangmu in doí mokidongog andeka nonaridi kon onu in pinoguman-Ku. Mosia in pamandot bo doí tumoindudui andeka toboḷowon.

YEREMIA 42:21

Tanaa in pinotaaukudon in koyow in Tuhan Allah naton kon inimu, táe moiko in doíbí dinumudui kon koyow tatua.

ZAKHARIA 1:2

Ki Tuhan in nopotabá kon inakó moguman nanaa kon umat-Nea, “Dungkuḷmai Akuoi, ki Tuhan Inta Totok in mokawasa, sinumorú totok kon mogoguyangmu.