ZAKHARIA 6:5 - Alkitab Singog In Mongondow Masa In Tanaa

⁵ Sia in notubag, “Mosia in nobuat minayá ná opat nopobayáan naonda in namangoi mako kon tayowon i Tuhan inta nomaḻí kon dunia naa.

ZAKHARIA 6:5 Referans Kwoze

WAHYU 7:1

Nopaḷut mako kon tua, akuoi in nokoontong kon malaekat opat inta sinimindog kon siku in dunia opat. Mosia in nomompon kon tompot inta nongkon siku opat in dunia naa sinbá diádon in tompot mogirup kon toba, kon dagat bo kon kayu mita.

IBRANI 1:14

Aka natua, onubí in malaekat mita tatua? Mosia tua in rohobí mita inta mobantung kon i Allah, inta pinotabá i Allah mamangoi motuḷung kon intau mita inta bain motarima kon kasaḷamatan.

IBRANI 1:7

Aka soaḷ malaekat mita, nanaa in guman i Allah, “Binaḻí i Allah in malaekat-Nea mita tompot, bo bobantung-Nea mita binaḻí-Nea dokot in tuḷu.”

YEHEZKIEL 37:9

Ki Allah in noguman kon inakó, “Ei intau ilo-ilow, posingogdon kon tompot. Pogumandon kon Akuoi, ki Tuhan Inta Totok in moḷantud nomarenta kon inia sinbá mamangoi nongkon bayongan in tampat, sin mopoirup in tompot poginaan kon bonu in awak mita inta minatoi tatua sinbá mobiag bui in mosia.”

MATIUS 24:31

Bo Sia in mopotabá kon malaekat-Nea mita ḷumuai, bo mogirup kon bansí inta mopia totok in singognea sin mosia mosipun kon intau mita inta aindon piniḻí-Nea nongkon popod mita in dunia, bo nongkon popod in ḷangit tobotak modapot popod in ḷangit tobotak doman.”

ZAKHARIA 4:14

Dá sia in noguman bui, “Tua in intau doyowa inta ain piniḻí i Tuhan inta nomaḻí kon dunia naa bo inta sinundú sin mogundoi kon i-Nia.”

DANIEL 7:10

bo tuḷú ḷumekep nongkon pomomarentaan tatua. Ribuan in intau nogundoi kon i-Nia bo jutaan in intau sinimindog kon tayowon-nea. Onda intua pinangkoidon in sidang pongadilan, bo buk mita in binukádon.

YESAYA 54:5

Inta nomaḻí kon inimu in naonda bo ki buḷoimu ḷoḷaki, ki Allah mokudus in Israel in mopoposaḷamatmu. Ki Tuhan Inta Totok in mokawasa, tuata in tangoi-Nea, Sia in Allah inta nongawasa kon sinangkub in dunia.

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

AYUB 1:6

Kon singgai tobatú mahaḷuk mita in soroga namangoi kon tayowon i Tuhan, bo Ibilis in kon sigad doman monia.

DATU MITA IMITÁNEA 22:19

Ki Mikha in noguman bui, “Tanaa in indongogai in onu inta pinoguman i Tuhan! Akuoi in nokoontong kon ki Tuhan in iḻimitú kon ḷoḻitúan-Nea kon soroga, bo bayongan in malaekat-Nea sinimindog kon diug-Nea.

LUKAS 1:19

Dá guman in malaekat tatua, “Akuoi naa in ki Gabriel inta nogundoi kon i Allah, bo ki Allah tontaní in nopotabá kon inakó mopoyaput in habar mopia tanaa kon inimu.

MATIUS 18:10

“Pokotorop! Dika mopandang enteng kon mongoadí mita tanaa. Bá poguman-Ku kon i monimu, oyúon in malaekat monia kon soroga inta umuran moindoi kon pogot i Amá-Ku inta kon soroga. [

YEHEZKIEL 11:22

Kerub mita tatua in momangkoidon ḷumayug bo roda mita tatua in dinumudui doman. Sindar mokotuḷow inta nobaḻí tomponuot koangoian i Allah in Israel in oyúon kon ḻimonikan monia.

MAZMUR 148:8

ei kilat bo uyan eis, salju bo goḷom, deḷang motorú inta dinumudui kon parenta i Tuhan!

DATU MITA IMITÁNEA 19:11

“Ḷuaidon kon angob tanion,” guman i Tuhan kon inia, “bo sindogdon tayow kon i-Nakó kon tudu in buḷud.” Bo ki Tuhan sinumaḻib kon tua, inunaan in tompot inta nogirup noropot totok nodapot in buḷud mita nongo botak bo buḷud mita batu in nongoḷosi. Táe ki Tuhan in diábí nokipogontong kon bonu in tompot tatua. Naonda in tompot tatua nooyong, nobaḻídon in ḻinug, táe ki Tuhan in diábí doman nokipogontong kon bonu in ḻinug tatua.

YEREMIA 49:36

Akuoi in mopoirupbí in tompot pobayá ná Elam nongkon bayongan in tampat, bo moporarit kon intaunea mita kon bayongan in tampat modapot in diábí tobatúmai in butá in diá koangoian in moḷoḷagui mita nongkon Elam tua.

DANIEL 11:4

Táe kon dodai in koḻimonikdon totok in sia, dodatuannea in mobotak bo mosilai opat notonsilai. Datu mita inta deeman buínea in momarenta mobaḻí toḻiunea, bo mosia in diábí ná koropotnea.

ZAKHARIA 6:1

Akuoi in nokoontong kon oontongon ibanea. Tanaa inontongku in kereta in parang opat inta iḻumuai nongkon sigad in buḷud porunggu doyowa.