ZAKHARIA 5:11 - Alkitab Singog In Mongondow Masa In Tanaa

¹¹ Tubagnea, “Pinobayá in Babel, kon tua poposindogan monia in kuil in sia. Aka kuil tatua moḷapatdon, karansi tatua in ukaton kon tua sin sumbáan.”

ZAKHARIA 5:11 Referans Kwoze

KINOBAḺIAN 11:2

Naonda in mosia nopobayá kon dotá in pomukaan, mosia nodapotdon kon ḷopá tobatú kon Babilonia, bo nogutun notantú kon tua.

DANIEL 1:2

Inogoi i Tuhan in sia in nonaḷow kon i Datu Yoyakin bo poḷat nogagow kon tongosilai in pakakat mita inta koboḻi kon Baḷoi Tuhan. Intau mita inta sinokodakopnea, dinianea kon kuil in dewanea kon Babel, bo pakakat mita inta koboḻi inta inagownea, sinagúnea kon bonu in gudang mita in kuil tatua.

KINOBAḺIAN 10:10

Kon dungkuḷ dodatuannea pinangkoi nongkon Babel, Erekh, bo Akad, toḷu tatua komintan kon Babilonia.

YESAYA 11:11

Kon singgai tatua ki Tuhan in buipa doman momaké kon kawasa-Nea bo modia mobui kon umat-Nea inta kinotaḷáan kon Asyur bo kon Mesir, kon butá mita in Patros, Sudan bo Elam, kon Babel, Hamat bo ḻibuton mita inta mongoyayú.

KINOBAḺIAN 14:1

Datu opat: ki Amrapel nongkon Babilonia, ki Ariokh nongkon Elasar, ki Kedorlaomer nongkon Elam, bo ki Tideal nongkon Goyim

YEREMIA 29:28

Intau tatua in mustibí pomponan kon bibignea, sin sia in noguman kon intau mita naton inta kon Babel kon mosia in moonggotpabí in mogutun kon tua. Bo popisí intua, sia in noguman kon mosia in mustibí moposindog in baḷoi bo mononggobá bo mokaan kon bungainea.”

LUKAS 21:24

Oyúon in ḻimodon, oyúon doman in diaan saḷaku intau inta dinakop bo pobayá in ḻipu-ḻipúannea; bo intau inta diá mopirisaya momoguyaat kon Yerusalem modapot mopaḷut in wakutu inta sinantú i Tuhan kon i monia.”

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

ULANGAN 28:59

Ki Tuhan in mopoangoi kon i monimu bo kon buímu in takit mita inta diá koundaman bo bodito mita inta diá motaau potogonon.

ZAKHARIA 5:10

Akuoi in noḻibó kon malaekat tatua, “Dinia monia pinobayá in onda in karansi tatua?”