ZAKHARIA 3:7 - Alkitab Singog In Mongondow Masa In Tanaa

⁷ “Aka iko tumoḷutui kon hukum-Ku mita bo mopobayá in oaidan mita inta inogoi-Ku kon inimu, dá modapot in kon singgai moiduduimai iko umuran motaau mobaḻí itoi kon bonu in Baḷoi-Ku bo monompiamai kon palasnea. Akuoi in mokidongogbí kon sambayangmu mita, naonda bo Akuoi mokidongog kon sambayang in malaekat inta kon diug-Ku.

ZAKHARIA 3:7 Referans Kwoze

KINOBAḺIAN 26:5

Akuoi in momarakatbí kon i monimu, sin ki Abraham ain dinumudui totu-totuu kon i-Nakó bo noḷukadon kon bayongan hukum bo parenta-Ku.”

MATIUS 19:28

Guman i Yesus kon i monia, “Popirisayadon: Kon Dunia Mobagu i Allah, Adí Intau in ḻimitúdon kon tampat pomomarentaan-Nea inta momulia. Kon wakutu intua moiko murí-Ku mita in ḻimitú doman kon ḻimonik in mopuḷú bodoyowá in tampat pomomarentaan bo mohakim kon mopuḷú doman bodoyowá nosuku kon Israel!

IMAMAT 8:35

Kon bonu in pitu nosinggai, singgai bo doḷom, moiko musti mogutun mako kon tayowon ngara in Ḷoḷaigan sin mogaid kon onu inta parentaan i Tuhan. Aka diá aidan monimu, yo matoi in moiko. Tuata in pinotaau i Tuhan kon inakó.”

WAHYU 3:21

Mosia inta mountung, ogoi-Ku ḻimitú takin-Ku kon tampat pomomarentaan-Ku, notongkai doman ná Akuoi inta ain nountung bo tanaa mako in iḻimitú noyotakin i Amá-Ku kon tampat pomomarentaan-Nea.

YOHANES 14:2

Kon Baḷoi i Amá-Ku nobayong tampat pogutunan. Akuoi in mayá intua sin moposadia kon tampat kon i monimu. Akuoi in diábí moguman natua aka kuma bo tua in diábí natua.

LUKAS 22:30

Takin natua dá moiko in motaau doman mobarasanang takin-Ku kon wakutu in Akuoi in mobaḻí Datu. Bo moiko in ḻimitú kon ḻimonik in mopuḷú bodoyowá in tampat pomomarentaan sin momarenta kon mopuḷú bodoyowá nosuku in bangusa Israel.”

ZAKHARIA 6:5

Sia in notubag, “Mosia in nobuat minayá ná opat nopobayáan naonda in namangoi mako kon tayowon i Tuhan inta nomaḻí kon dunia naa.

ZAKHARIA 4:14

Dá sia in noguman bui, “Tua in intau doyowa inta ain piniḻí i Tuhan inta nomaḻí kon dunia naa bo inta sinundú sin mogundoi kon i-Nia.”

YEHEZKIEL 48:11

Butá inta ain sinantú tatua in mobaḻíbí kapunyaan in imang mita buí i Zadok. Mosia in nogundoidon kon i Tuhan takin noḻimbatú in gina diá ná intau in Lewi inta tongosuku monia, inta noitakin nomia kon dosa noyotakin in intau mita in Israel ibanea.

TAWARIKH 1 23:32

Mosia in pinoki ḷukadan doman in ḷoḷaigan i Tuhan bo Baḷoi Tuhan bo motuḷung kon utat mita monia, inta imang mita buí i Harun, kon bonu in mopobayá in ibada kon tampat tatua.

DATU MITA IMITÁNEA 2:3

Aidaibí in onu inta pinarenta i Tuhan Allahmu kon inimu. Duduiai in bayongan hukum bo parenta-Nea inta pinais kon bonu in Buk i Musa, sinbá kon ondaka in bayáanmu yo kodapotanmu in bayongan inta iḷongasimu.

YEHEZKIEL 44:8

Deemanbí tongá mosia tontaní in mopobayá in upacara mita motusi kon bonu in Baḷoi-Ku, táe intau doman mita ango-angoi inta pinoki aidan monia intua.

IMAMAT 10:3

Bo ki Musa in noguman kon i Harun, “Tuata in makusud i Tuhan kon dodai in Sia noguman, ‘Bayongan intau inta mogaid kon oaidan-Ku musti mohoromat kon kotusian-Ku. Poniata-Kubí in kawasa-Ku kon bayongan bangusa-Ku.’ ” Táe ki Harun tongádon kibio-biómai.

DATU MITA IMITÁNEA 3:14

Bo aka iko naonda bo ki amámu ki Daud, motoindudui kon i-Nakó takin dumudui kon bayongan in hukum-Ku, yo ogoian-Ku in iko in kobiagan inta moonggot.”

YESAYA 62:9

Táe moikobí inta nosipun kon bungai in boyónea, in mokaan kon bungainea bo modayow kon Tuhan; bo moiko in nosipú kon bungai in anggur, in monginumbí kon tubignea kon bosí in Baḷoi-Ku.”

ZAKHARIA 3:6

Onda intua malaekat i Tuhan nopotaau in tosingogon i Tuhan kon i Yosua,

ZAKHARIA 6:15

Intau mita in mamangoibí nongkon tampat inta moyayú bo moduḷu moposindog in Baḷoi-Ku. Aka baḷoi tatua moḷapatdon, yo kotaauandon monia kon Akuoi ki Tuhan Inta Totok in mokawasa in nopotabádon kon inimu namangoi kon i monia. Tua komintan in mobaḻíbí aka mosia in totu-totuu dumudui kon parenta-Ku, ki Tuhan Allah monia.”