ZAKHARIA 2:5 - Alkitab Singog In Mongondow Masa In Tanaa

⁵ Ki Tuhan in nodandidon kon Siadon tontaní in mobaḻí dinding tuḷú inta noiḻibu kon kotá tatua sin moḷukad kon inia bo Sia in mogutun kon tua kon bonu in bayongan kawasa bo koagung-Nea.”

ZAKHARIA 2:5 Referans Kwoze

YESAYA 4:5

Bo kon tudu in Buḷud in Sion bo bayongan in intau noyosipun kon tua ki Tuhan in momaḻí kon goḷom kon dodai in singgai, poyok bo sindar in bayag kon dodai in doḷom. Ki Allah tontaní pongin kawasa-Nea mogoḻiung bo moḷukad kon bayongan in kotá.

MAZMUR 3:3

Nobarong in noguman kon ki Allah in doí motuḷung kon inakó.

ZAKHARIA 9:8

Ḷukadan-Kubí in butá-Ku bo ḷonggaian-Kubí in tontara mita ango-angoi inta tumaḻib kon tua. Diá bidon ogoi-Ku in monondorot mononggata kon umat-Ku. Sin roriga monia in inontong-Kudon.”

WAHYU 21:23

Kotá tatua diá bidon paraḷu simbayagan mata in singgai ande buḷan, sin kamuliaan i Allah aindon nokosimbayag kon tua, bo ki Adí in Domba in nobaḻí togánea.

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

MAZMUR 48:3

Sion, tombuḷud i Allah nosindog notompia kotá i Datu Moḷantud mokopia kon gina in sinangkub in butá.

YESAYA 33:21

Ki Tuhan in mopoontongbí in kamuliaan-Nea kon i naton. Kita in mobiagbí kon bingkí in ongkag inta mooḷad, inta diá motaau ḻeagan in kapaḷ in musung.

LUKAS 2:32

sia naonda bo bayag inta nonimbayag kon daḷan in intau mita ibanea, sinbá mosia in mamangoi kon ini-Mu; tuata in bayag inta mobaḻí dodoyonan poduían kon umat-Mu Israel.”

MAZMUR 48:12

Biódon mako rayat in Sion bo Yohuda norogiow pia in gina, sin ihukum-Mu in musung monia.

MAZMUR 46:5

Oyúon in daḷan tubig inta mokopia kon gina kon kotá i Allah, pogogutunan i Allah Inta Totok in moḷantud.

MAZMUR 85:9

Akuoi in moibog mokidongog kon tosingogon i Tuhan Allah; Sia in nopodandi in kobiagan motompia kon inaton, umat-Nea, asaḷ bo kita in diá bui mogaid kon dosa.

MAZMUR 125:2

Naonda bo buḷud mita mogoḻingoi kon Yerusalem, natuata in ki Tuhan moḷukad kon umat-Nea tanaa mako modapot in kopaḷutannea.

YESAYA 31:9

Datu monia in moḷagui takin ondok, bo itoi in tontaranea mita in totokdon in moitaḻikokog, dá taḷaandon monia in bandera mita in parang.” Ki Tuhan ain nosingog, ki Tuhan inta sinumba bo ihoromat pinongin nobogoi in kuruban payongon kon Yerusalem.

YESAYA 32:18

Umat i Allah in moiḷuatbí nongkon roriga bo mobiag kon tampat inta moaman bo mopia.

YEHEZKIEL 38:14

Manangka intua ki Tuhan Inta Totok in moḷantud nopotabá kon inakó mopotaau kon i Gog in koyow tanaa, “Kon dodai in umat-Ku Israel nobiag pia-pia mako bo noodom, iko in mamangoi monubu.

YEHEZKIEL 42:20

Dá, koḷoben in butá kon Baḷoi Tuhan in notonggopat, ukurannea in tumododoyowa nogatut bo ḻima nopuḷú nometer kon pomuḷoi in sínea. Butá tatua in iḻibu dininding sin mopoyotondí in butá inta tongá posumbaan kon i Tuhan bo butá inta kon intau mita.

ZAKHARIA 2:10

Ki Tuhan in noguman, “Porodondongdon takin pia in gina ei intau in Yerusalem! Akuoi in mogutunbí kon yua-yuakmu!”

ZAKHARIA 2:11

Kon dodai intua mobayong in bangusa in mamangoi kon i Tuhan sin nobaḻí umat-Nea. Sia in mogutunbí kon yua-yuakmu, bo kotaauandon monimu kon ki Tuhan in nopotabádon kon inakó namangoi kon inimu.

ZAKHARIA 9:14

Ki Tuhan in mokipogontongbí kon umat-Nea, naonda bo kilat in piot-Nea mita pinoḷutam-Nea. Ki Tuhan Inta Totok in moḷantud in mogirupbí kon torompet tomponuot monubu bo mayá kon bonu in deḷang nongkon toḷatan.

YEREMIA 31:39

Nongkon tua bares in sigadnea mopobayá in Tombuḷud in Gareb, bo moboyuk ná Angob.

YEHEZKIEL 47:3

Sindaḷan nopogukur in tungkud pogogukurnea, ḷoḷaki tatua in nodia kon inakó nosiḻig dinumudui in tubig tatua nopobayá ná pomukaan ḻima nogatut nometer in koyayúnea, bodongka pinotabánea in akuoi iḷumoḷan. Kon tampat tatua kodaḷom in tubignea tongá komangoi in poguḻingkitan in sioḷ.

ZAKHARIA 1:16

Tanaa in mobuidon in Akuoi kon Yerusalem sin mongampung kon kotá tatua. Baḷoi-Ku in posindogondon bui bo kotá in Yerusalem in tompiaandon bui.”