ZAKHARIA 14:16 - Alkitab Singog In Mongondow Masa In Tanaa

¹⁶ Onda intua bayongan in intau inta nobiagpa kon sigad in bangusa mita inta nonubu kon Yerusalem, in mayádon in kotá sin mosumba kon i Datu, ki Tuhan Inta Totok in mokawasa, bo morame kon singgai Moḷoben Ḷuḷung Daun.

ZAKHARIA 14:16 Referans Kwoze

YESAYA 66:23

Pomuḷoi in buḷan mobagu bo pomuḷoi in singgai in Sabat bayongan in intau in mamangoibí sin mosumba kon i-Nakó kon Yerusalem.

YOËL 2:32

Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”

WAHYU 19:16

Jubah bo paa-Nea in pinaisan tangoi nanaa, “Datu in bayongan datu, bo Tuang in bayongan tuang.”

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.

SURAT I PAULUS KON JAMAAT RUM 11:26

Sahingga in bayongan intau in Yahudi posaḷamatonbí sin kon bonu in Buk Motusi ain pinais nanaa, “Datu Mopoposaḷamat in mamangoi nongkon Sion; Sia in momopatbí kon bayongan aid moraat kon buí i Yakub.

SURAT I PAULUS KON JAMAAT RUM 11:16

Aka roti tobatú inta muna bo ain inogoi kon i Allah, yo tua in mangaḻenea bayongan roti tatua in inogoidon komintan kon i Allah doman. Bo aka uakat in pangkoinea kapunyaan i Allah, dá mangaḻenea kon tua, tanganea mita in kapunyaanbí doman mita i Allah.

SURAT I PAULUS KON JAMAAT RUM 11:5

Natua doman in mobaḻí tanaa mako: Oyúonpa doman topiḻik in intau mita inta ain piniḻí i Allah sin barakat-Nea.

OUMAN IN RASUL MITA 15:17

sinbá onda intau in Yahudi inta diápa nopirisaya kon i Allah komintan motayak kon i Tuhan, takin bayongan in intau inta deeman intau in Yahudi inta aindon muna inoiní-Ku mobaḻí umat-Ku.’ Natua in kai Tuhan,

YOHANES 7:2

Dodai intua diádon moonggot bo porayaan kon Singgai Moḷoben in Pondok Daun.

YOHANES 1:49

“Pak Guru, guman i Natanael, ki Amá in ki Adí i Allah!”

LUKAS 19:38

Mosia in nomaḷú nanaa, “Binarakatan in Datu inta namangoi kon bonu in tangoi Tuhan! Dodamean kon soroga, bo dinayo-dayowdon in ki Allah!”

MALEAKHI 1:14

Binaḷadon in ki inta motombuḻitok inta noposumba kon i-Nakó in biag inta diá mopia, bo inta munadon nopodandi in biag mopia kon sigad in biagnea mita sin posumba kon i-Nakó! Sin Akuoibí in ki Datu Inta Moḷantud, bo ihoromat in bayongan in bangusa.”

ZAKHARIA 9:7

Mosia in diá bidon mokaan bui kon ponoyá inta oyúonpa in dugú andeka kaanon ibanea inta pinoton. Bayongan intau inta kiagatneapa in mobaḻí umat-Ku bo inanggap kiagat in suku in Yohuda. Ekron in mobaḻídon umat-Ku, naonda bo intau in Yebus kon dungkuḷmai.

HOSEA 12:9

‘Kita tanaaya in nooyúondon,’ guman monia. ‘Kita in nountung! Diábí tobatúmai in motaau moponapud kon kita in nokouḻí kon kaoyúonan tatua takin aid diá mojujur.’

YEREMIA 51:57

Akuoi in mopoḷoḷangubí kon pojabat in pomarenta in Babel--intau mita mongopandoi, itoi bo tontara. Mosia in diá bidon mopobango-bangon bui, moḷoḷot modapot in mononoi. Akuoi in nosingogdon; Akuoibí in datu, Akuoi in Tuhan Inta Totok in mokawasa.

YEREMIA 48:15

Moab bo kotánea mita in irimumudon, bo intau mita moguodnea inta mongopia ain iḻimod. Akuoi in nosingogdon. Akuoi in datu, Tuhan Inta Totok in mokawasa.

YEREMIA 46:18

Akuoi ki Allah inta nobiag, Akuoi in datu, Tuhan Inta Totok in mokawasa. Naonda bo Buḷud in Tabor noipantow kon sigad in buḷud mita, bo Buḷud in Karmel noipantow nongkon dagat, natuata in ropot i inta mamangoi monubu kon inimu.

YESAYA 6:5

Bo akuoi in noguman, “Mobodito! Diádon in kamang kon inakó, sin bibigku in nokotor popisí in dosa, bo akuoi in nogutun kon sigad in bangusa inta natua doman. Umpaka natua, takin mataku tontaní akuoi ain nokoontong kon i Datu, ki Tuhan Inta Totok in mokawasa!”

EZRA 3:4

Mosia in norame doman kon Singgai Moḷoben in Pondok Daun, podudui in atorang; bo pomuḷoi in singgai moposumba in kuruban inta ain sinantú kon singgai tatua.

TAWARIKH 2 8:13

Kuruban mita tatua in pinosumbanea podudui in hukum i Musa inta kon muḷoi in singgai moḷoben: Singgai moḷoben Sabat, Singgai moḷoben Buḷan Mobagu, bo toḷu in singgai moḷoben taongan, inta singgai moḷoben Roti Diá Iragian, singgai moḷoben Posipunan kon bungai in boyó, bo singgai moḷoben in Ḷuḷung in Daun.

MAZMUR 66:4

Sinangkub in butá dinumokó mosumba kon ini-Mu, mosia in nodondong nodayow kon tangoi-Mu.”

YESAYA 18:7

Moiangoibí in wakutunea sosumba mita poyaputdon kon i Tuhan Inta Totok in mokawasa nongkon butá tatua inta kinotaḻiban in ongkag mita, nongkon bangusanea inta moropot bo motorindog, nongkon intaunea mita inta mongoḷantud bo kuḻit moaḷus bo inta kinoondok kon sinangkub in dunia. Mosia in mamangoibí kon Sion, kon tampat inta pinosumbaan kon i Tuhan Inta Totok in mokawasa.

YESAYA 19:21

Ki Tuhan in mokipogontongbí kon bangusa in Mesir, bo mosia in monotaaudon bo mosumba kon i-Nia, poḷat doman modia kon kuruban bo sosumba kon i-Nia. Mosia in mopoyaputbí in dandi kon i-Nia takin mongibot bo mogaid kon tua.

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

MIKHA 4:2

mosia komintan in mogumanbí, “Igai in kita motakod kon tombuḷud i Tuhan mayá in Baḷoi i Allah in Israel! Sia in motundúbí kon i naton onu in musti pomiaan naton. Kita in dumuduibí kon daḷan-Nea sin totundú i Tuhan in mamangoibí nongkon Yerusalem; nongkon Sion Sia in mosingog kon umat-Nea.”

ZAKHARIA 14:9

Dá ki Tuhan in momarenta saḷaku datu kon sinangkub in butá; pomuḷoi in intau in mosumbabí kon i-Nia saḷaku ki Allah bo monotaau kon i-Nia takin tangoi inta notongkai intua.