ZAKHARIA 13:4 - Alkitab Singog In Mongondow Masa In Tanaa

⁴ Kon singgai tatua, nabi mita in angoianbí in oyá in mogaid naonda bo nabi. Mosia in diá bidon mogiḷambung in nabi sin monguboḷ bo dumodia kon oontongon monia.

ZAKHARIA 13:4 Referans Kwoze

MATIUS 3:4

Ki Yohanes nogiḷambung jubah nongkon bubuḷ in unta. Baannea in nongkon kuḻit, kaanonnea in pangkoḷá bo dilú in kayuon.

YESAYA 20:2

Toḷu notaong noiuna, ki Tuhan nopotabá kon i Yesaya ki adí i Amos noḷongkut kon aip in sioḷ bo daing tuḷok inta pinakénea. Sia in dinumudui bo minayá nomilang bo diá nomaké in aip in sioḷ.

DATU MITA 2 1:8

“Jubah bo bogot in ogotannea in pinomia nongkon kuḻit,” tubag monia. “O, ki Elia intua!” guman i datu.

WAHYU 11:3

Akuoi in mopotabá in sakusi-Ku doyowa inta mogiḷambung in ḷambung intau kinopatoian, bo mosia mopoumum in habar i Allah solama toribu bodoyowa nogatut bo onom nopuḷú nosinggai in koonggotnea.”

MARKUS 1:6

Ki Yohanes in nogiḷambung in ḷambung inta nongkon bubuḷ in unta. Baannea in nongkon kuḻit bo kaanonnea i pangkoḷá bo biluk in kayuon.

YEREMIA 6:15

Mustibí in mosia tua mooyá sin nogaidon kon bayongan inta mokooyá tua. Táe mosia tua in nobunodon in pogot bo diá kooyá. Tuamai in moḷabúbí in mosia ná intau ibanea; modaitdon in ouman monia aka Akuoi mohukum kon i monia. Akuoi, ki Tuhan, ain nosingog.”

YEREMIA 2:26

Ki Tuhan in noguman, “Naonda bo mononakow inangoian in oyá naonda in kinodomokan, natuata in moiko komintan in mooyábí doman, ei intau in Israel, datu mita bo intaumu mita moḷoben, imang mita bo nabimu mita!

IBRANI 11:37

Mosia in inandur in batu nodapot in minatoi, oyúon doman in ginaragaji, bo oyúon doman iratá in pitow. Maya-mayá mako in mosia bo mopogiḷambung in ḷambung inta pinomia nongkon kuḻit in domba andeka kuḻit in bembé; mosia in nobiag nobogá, pinogutú bo iroriga mangoi.

YEREMIA 8:9

Intau mita mongopandoi kon yua-yuakmu in pokopooyáanbímai. Mosia in koinggamáan bidon in akaḷ bo moibaaḷ. Mosia in doíbí mokidongog kon tonggina-Ku; tanaa, kobobijak onupa inta oyúonpa kon i monia?