ZAKHARIA 1:8 - Alkitab Singog In Mongondow Masa In Tanaa

⁸ akuoi in nokoontong kon malaekat i Tuhan in sinumakoi kon kabaḷo nopura tobatú. Sia in sinumogon kon ḷopá tobatú kon sigad in pangkoi mita in murad. Kon tumineamai sinimindog doman in tongonumai in kabaḷo ibanea, oyúon in nopura, inta nokasumba, bo inta nobudó.

ZAKHARIA 1:8 Referans Kwoze

WAHYU 6:4

Bo namangoidon in tobatú kabaḷo ibanea, nopura in batangannea naonda bo dokot in tuḷu. Ki Inta sinumakoi kon kabaḷo tatua inogoian in kawasa monginggamá kon dodamean kon dunia naa, sinbá intau mita in mosiḻimodandon. Dá sia inogoian in tobatú pitow moḷoben.

WAHYU 2:1

“Paisdon kon malaekat in jamaat inta kon Epesus, nanaa: Naadon in koyow nongkon i-Nia inta ḻima-Nea koḷanan in nokadai kon tundi pitu bo minayá kon sigad in sioḷ pototuduan kon togá inta pinomia nongkon buḷawan tua.

ZAKHARIA 13:7

Ki Tuhan Inta Totok in mokawasa in noguman, “Sindogdon, ei kedang, bo tubudon in gombala inta nogaid kon kopontingan-Ku! Ḻimodon in sia, dá domba mita in moiraritdon. Tubuon-Kubí in umat-Ku,

YESAYA 55:13

Pangkoi in ḷokuyú in momaḷui kon pangkoi in bo bonganga, pinomuḷa bungang in momaḷui kon dogami. Tua in mobaḻí sinbá Akuoi in popotaau magí-mako; nobaḻí tomponuot inta mononoi inta diá mobuḻi-buḻi.”

YESAYA 41:19

Padang gurun in pomuḷaan-Kubí kon pangkoi in ḷokuyú, pangkoi in zaitun, pangkoi in murad bo pangkoi in akasia. Rawang kayuon in baḻíon-Ku kayuon moromon, kayuon in eru, nunuk bo ḷokuyú.

DANIEL 7:13

Kon bonu in ontongonku doḷom tua, inontongku in oyúon in naonda bo intau. Sia in namangoi takin iḻibu in goḷom bo dinia minayá kon i-Nia inta mononoi.

DANIEL 2:19

Kon doḷom doman tatua ki Allah in nopotaau kon onu in togoindop i datu tatua kon i Daniel kon bonu in oontongon tobatú. Dá ki Daniel nodayow kon i Allah kon soroga,

YESAYA 57:15

Sin nanaa in guman i Allah, Inta Totok in moḷantud bo mokudus, inta nongawasa modapot in mononoi, “Akuoi in nogutun kon tampat inta moḷantud bo inta motusi, táe kon yua-yuakbí doman in intau mita inta moompá in dodia bo inta nomanasaḷ in nogaid kon dosanea mita, sin mopoguḻí bui kon ibog bo kamang monia.

AYUB 4:13

Siugku in kinotuyayowannea, nádon onda bo sinumogoindop kon diá mopia kon sindip moromon.

DATU MITA IMITÁNEA 3:5

Doḷom tua ki Tuhan in nokipogontong kon inia kon bonu in togoindop bo noguman, “Salomo, igumdon onuka in koibogmu, ogoi-Kubí intua kon inimu!”

YOSUA 5:13

Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”

KINOBAḺIAN 20:3

Kon doḷom tobatú ki Allah nokipogontong kon i datu tatua kon bonu in togoindop, bo noguman, “Iko in matoi, popisí in ginamámudon in bobay tatua; sin sia ain bidon kobuḷoi.”

DONDONG MOḶANTUD 6:2

Batoḷ in dodobku minayá in gobánea, kon gobá in toyokayu sin moḷukad kon domba mita kon gobá, bo mosipú kon bungang mita bakung.

DONDONG MOḶANTUD 2:16

Batoḷ in dodobku kapunyaanku, bo akuoi sia in kitogi, sia in noḷukad kon dombanea mita kon sigad in bungang mita bakung

WAHYU 6:2

Dá akuoi in nokoontong kon tobatú kabaḷo nobudó. Intau inta sinumakoi kon kabaḷo tatua in nokadai kon piot, bo sia inogoian doman in tobatú mahkota. Sia minayá in muna saḷaku inta nountung inta minayá notayak kon bá mountung.

NEHEMIA 8:15

Tuamai in kon sinangkup in Yerusalem kon kotá mita bo kon ḻipú mita, mosia in nopotaau in parenta tanaa, “Bayádon kon buḷud bo pogamá kon tanga mita in ḷokuyú, in zaitun, pangkoi in kayu ḷana, in palem bo pangkoi in kayu mita ibanea sin aidan ḷuḷung podudui in atorang kon bonu in Buk in Hukum.”

ZAKHARIA 1:7

Kon singgai in doyowa nopuḷú bo opat kon buḷan in Syebat, inta buḷan impuḷú bo mita, kon taong nogindua kon pinomarentaan i Datu Darius, ki Tuhan in nopotaau in koyow-Nea kon inakó. Kon oontongon tobatú kon dodai in doḷom,

ZAKHARIA 1:10

Mosia in pinotabá mangoi i Tuhan sin monaridi kon butá.”

ZAKHARIA 1:11

Bayongan in kabaḷo tatua nopotaau kon malaekat, “Kami in noḻibudon kon sinangkub in dunia naa, noniata magí yo dunia tanaa in noodom bo notompia.”

KINOBAḺIAN 46:2

Kon tobatú oontongon wakutu in doḷom, ki Allah noguman kon inia, “Yakub, Yakub!” “Ya, Tuhan,” tubagnea.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.