ZAKHARIA 1:5 - Alkitab Singog In Mongondow Masa In Tanaa

⁵ Kon onda in mogoguyangmu bo nabi mita tatua in tanaa? Mosia in diádon onda.

ZAKHARIA 1:5 Referans Kwoze

MOHOHUTUBA 12:5

Iko moondok in motakod kon tampat moḷantud bo musti umuran mokopoingat in mayá. Buokmu in ubanandon bo sioḷmu in moipape kon dodai in mayá. Dá mobuḻidon in bayongan gina bo ibog. Kita in mopobayá in tampat pogogutunan naton inta imbuitnea, intau mita mononogumatoi bo mogamui kinoouput in bayáan.

MOHOHUTUBA 12:7

Awak naton in mobuidon, mobaḻí ḷobud kon butá. Tompot kobiagan naton in mobuidon kon i Allah. Sia in nobogoi noponotabi.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.

OUMAN IN RASUL MITA 13:36

Naonda in nogaid mako kon onu inta kinoibog i Allah in ki Daud kon wakutu in nobiagpa, sia in minatoi domandon bo iḷobong kon diug i mogoguyangnea. Dá noyoyangbí domandon komintan in awaknea.

YOHANES 8:52

Dá itoi mita in Yahudi tatua in noguman bui kon i Yesus, “Tanaa in kinotaauandon totok nami kon Iko nion in totu-totuudon kinotoḷangan in dimbuḷó! Sin ki Abraham tontaní ain minatoi, ná doman tua in nabi mita. Táe Iko in moguman, ‘Intau inta dumudui kon singog-Mu, diá bidon kawasaan in popatoi.’

MOHOHUTUBA 1:4

Buí inta tobatú in mamangoi bo buí inta ibanea in moinggamá, táe dunia naa in umuranbí notongkai mako.

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

YEREMIA 36:28

nogamá kon ḻitodan in buk ibanea, bo nomais kon bayongan inta ain pinais kon ḻitodan in buk inta muna tua.

OMBAḶ 5:7

Mogoguyang nami in binaradosa, tanaa in diádon in mosia; táe kami in mustibí motarima kon roriga popisí in dosa mita monia.

SAMUEL 1 25:1

Diá noonggot kon tua minatoi in ki Samuel. Bayongan intau in Israel noyosipun sin tumakin kon upacara pinonogumatoian. Onda intua iḷobongdon in sia kon baḷoinea kon Rama. Nopaḷut mako kon tua ki Daud minayá in padang gurun Paran.

DATU MITA 2 13:14

Kon singgai tobatú ki Nabi Elisa in notakit moyoyiga, bo ki Datu Yoas in namangoi noindoi kon inia. Naonda in inontongnea kon ki Elisa in motoyongdon matoi, ki datu tatua in nongombaḷ bo noguman, “Amáku, Amáku, inta mototuḷung moḷoben in Israel!”

DATU MITA 2 13:20

Diá noonggot kon tua minatoidon in ki Elisa bo iḷobong. Kon dodai intua banselang mita in Moab biasamai in monubu kon butá in Israel komintan in totaong.