ZAKHARIA 1:17 - Alkitab Singog In Mongondow Masa In Tanaa

¹⁷ Malaekat tatua in nopotabá kon inakó mopotaau in koyow doman tanaa, “Ki Tuhan Inta Totok in mokawasa in nodandi kon kotá-Nea mita in mobaḻí motomoman bui bo komintanpa doman in Sia in motuḷung kon Yerusalem bo akúon-Nea saḷaku Sia in kitogi.”

ZAKHARIA 1:17 Referans Kwoze

YESAYA 51:3

Yerusalem, ḻipoion-Ku in iko, bo bayongan inta nogutun kon kino rumbunanmu. Rawangmu mita inta noḷogat binaḻí-Kudon taman, naonda bo Eden, taman-Ku inta noḷumbá. Kon tua intau in morogiow bo mopia in gina bo mosukur pongin dondong mita.

ZAKHARIA 2:12

Komintanpa doman Yohuda in mobaḻídon umat inta sinondídon kon i Tuhan kon butá-Nea inta motusi, bo Yerusalem in mobaḻí kotá inta totok in kinotabi-Nea.

YESAYA 14:1

Ki Tuhan in monotabibí kon Israel umat-Nea, bo momiḻí bui mobaḻí kapunyaan-Nea. Diaan-Nea bui in mosia pobayá kon butá monia tontaní. Intau ango-angoi in mamangoibí bo dumugang kon i monia.

OBAJA 1:20

Intau in Israel Utuan in mobuidon nongkon pinoḷumbúan bo mongawasadon kon Penisia modapot kon Zarpat. Intau mita in Yerusalem inta iḷumbú kon Sardis, in mobuibí bo mogamá kon kotá mita kon dotá in toḷatan in Yohuda.

YEHEZKIEL 36:33

Ki Tuhan Inta Totok in moḷantud in noguman, “Naonda in daritan-Ku mako in moiko nongkon bayongan in dosamu, ogoi-Kudon in moiko in mogutun bui kon kotámu mita, bo moposindog bui in apugnea mita.

YESAYA 66:13

Akuoi in moḻipoi kon i monimu kon Yerusalem, naonda bo ki iná inta moḻipoi kon i adínea.

YESAYA 54:8

Tongábí notoyong in Akuoi nonaḷámai kon inimu popisí in torú-Ku inta tumaga-tagab. Táe pinongin tabi mononoi Akuoi in notabi kon inimu.” Natuata in guman i Allah Mopoposaḷamatmu.

YESAYA 52:9

Porogiowdon, ei rumbun mita in Yerusalem, sin ki Tuhan in noḻipoi kon umat-Nea bo nopoḷuat kon Yerusalem.

YESAYA 44:26

Akuoibí in noginrigon kon tosingogon in mogogundoi-Ku, bo nopobayá in tomayá inta pinoniata in totabá-Ku, Akuoi in noguman kon Yerusalem in pogutunanbí bui, bo kotá mita in Yohuda in posindogon-Kubí bui; rumbunnea mita in buibí tompiaan.

MAZMUR 69:35

Dayowdon in ki Allah, ei ḷangit bo butá, dagat bo bayongan in mahaḷuk kon bonunea.

NEHEMIA 11:20

Rayat in Israel, imang mita bo intau mita in Lewi inta ki agatnea in nogutun kon butá monia kon noyagi-yagimai in kotá kon Yohuda.

EPESUS 1:4

Kon tungkuḷ in dunia naa diápa pinomia kita in koyongandon piniḻí i Allah pinongin i Kristus takin makusud bá kita in mobaḻí kapunyaan-Nea inta tongá mosumba kon i-Nia bo mogaid kon onu inta pinarenta-Nea. Lantaran ki Allah motabi,

ZAKHARIA 3:2

Malaekat i Tuhan in noguman kon Ibilis, “Igumon mako ki Tuhan in mohukum kon inimu ei Ibilis! Igumon mako ki Tuhan inta notabi kon Yerusalem in mohukum kon inimu. Intau tanaa in naonda bo kayu topongkó inta inugut nongkon yuak in tuḷú.”

AMOS 9:14

Baḻíon-Kubí in umat-Ku Israel mobiag motomoman bui. Mosia in buibí moposindog in kotá mita monia inta ain noumpag, bo mogutundon in mosia kon tua. Mosia in buibí momuḷa kon gobá mita in anggur, bo monginum kon anggurnea. Mosia in monompinomuḷa, bo mokaan kon bungai in boyónea.

YEREMIA 33:13

Kon kotá mita inta kon butá mita kon buḷud, kon sioḷan in buḷud, butá in Yohuda dotá in toḷatan, bo kon butá in Benyamin takin ḻipú mita kon diugmai in Yerusalem, bo kon kotá mita in Yohuda, gombala mita in mogiapbí bui kon domba mita monia. Akuoi, ki Tuhan, ain noguman.”

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

YESAYA 51:12

Ki Tuhan in noguman, “Akuoibí inta noḻipoi kon i monimu. Nongonu sin moondokbí in iko kon intau inta mato-matoi, kon intau inta iḷumbú naonda bo bonok?

YESAYA 49:13

Podondongdon ei ḷangit, porogiowdon ei butá, ei buḷud mita. Porogiowdon takin pia in gina! Sin ki Tuhan in mamangoi moḻipoi kon umat-Nea, Sia in monotabi kon umat-Nea inta dinorot.

NEHEMIA 11:3

Kon kotá mita ibanea, rayat in Israel, imang mita intau mita in Lewi, mogogaid mita kon bonu in Baḷoi Tuhan, bo buí in bobantung mita i Salomo in nogutun kon butá kapunyaan monia bo kon kotá mita monia.

ZAKHARIA 1:14

bo malaekat tatua in nopotabá kon inakó mopotaau in onu inta pinoguman i Tuhan Inta totok in mokawasa, “Akuoi in totokbí in motabi bo mopandung totok kon kotá in Yerusalem, kotá-Ku inta motusi.

ZAKHARIA 1:18

Kon bonu in oontongon ibanea, inontongku in opat in tungoi in sapi.

ZAKHARIA 2:4

Malaekat inta muna in noguman kon malaekat inta nogindua, “Ḷagidon bayá kon tayowmobiag tatua, bo pogumandon kon inia kon Yerusalem in mopuḻingdon totok in intau bo bobiagon dá diádon motaau bui dindingon ḻibu-ḻibu.

YEREMIA 33:9

Yerusalem in mobaḻí koḷungangaan bo koyunggagaan-Ku. Bayongan in bangusa kon dunia in mobaḻíbí moondok bo mourot poḷat mohoromat kon i-Nakó, aka mokodongogdon kon bayongan inta mopia inta inaidan-Ku kon intau inta nogutun kon Yerusalem, bo kobiagan motompia inta ogoi-Ku kon kotá tatua.”