YUNUS 4:11 - Alkitab Singog In Mongondow Masa In Tanaa

¹¹ Yo umpaka dá diá moajar in ginaku in moraimai kon Niniwe, kotá inta moḷoben tatua. Sin koḻikud in mahaḷuknea mita inta diádon koiapan tua, kon tua in oyúon doman in noiḻiu kon mogatut bo doyowa nopuḷú noribu in adí inta diápa motaau mopoyoposi kon onu inta mopia bo onu inta moraat.”

YUNUS 4:11 Referans Kwoze

MATIUS 18:33

Manangka intua iko in mustibí doman mongampung bo motabi kon yobayatmu tatua ná Akuoi ain notabi kon inimu?’

YUNUS 1:2

Guman i Tuhan, “Bayádon kon Niniwe, kotá moḷoben tatua, sin mongindoyó kon inia, sin kinotaauan-Kudon kon intau mita kon tua in mongoraat totok.”

MAZMUR 36:6

Tuhan, tabi-Mu ná koḷantud in ḷangit, bo kososatia-Mu nodapot in goḷom.

ULANGAN 1:39

Bo ki Tuhan noguman kon i naton komintan, ‘Adí mita monimu inta nongointokpa totok bo diápa motaau mopoyoposi inta mopia bo inta moraat, adí mita inta kain singog, monimu agowon in musungmu mita, kon i monia tuata in pobogoian-Ku kon butá tatua, bo mosia in mogutun kon tua.

MAZMUR 104:14

Iko in nomiag kon bonok kokaanon in bobiagon, bo kon intau in noyagi-yagimai in pinomuḷa. Dá motaaudon in sia monompinomuḷa,

YUNUS 3:10

Inontong i Allah in aid monia; inontong-Nea kon mosia in nonaḷámaidon kon dodia monia inta moraat. Dá binaḷuian-Neadon in tomayá-Nea, bo diádon nobaḻí nohukum kon i monia.

YESAYA 1:18

Ki Tuhan in noguman, “Igai toḻisíon naton in pelekara tanaa. Umpaka moiko mopura bayan popisí in dosamu mita, yo moiko in daritan-Kubí modapot in mobudó naonda bo kapot. Umpaka dosamu mita mobarong bo mobogat, moiko in ampungan-Kubí komintan.

YESAYA 7:16

Sin kon dodai in wakutu tatua diápa moiangoi, ḻipú doyowa inta pinarenta in datu mita inta kinoondokmu tatua in taḷaanbí diádon in intau.

YESAYA 37:37

Dá inumundokdon in ki Sanherib, datu in Asyur, bo nobui kon Niniwe.

YUNUS 4:10

Bo guman i Tuhan kon inia, “Pinomuḷa tanaa in nobiag tongá kon bonu in tonggobii, bo sia in noḷaḷow kon singgai noiduduimai; beresibí in iko diá nopobiag kon inia bo diá bí doman nonompiamai kon tua. Umpaka natua táe noajarbí totok in ginamu in kinoḷaḷowannea.

KINOBAḺIAN 9:10

bo takin bayongan in mahaḷuk inta nobiag, tuata in ḷagapan mita bo bayongan mahaḷuk kon toba, mangaḻenea in bayongan inta iḻumuai nongkon uangga moḷoben noyotakin monimu.