YUNUS 1:9 - Alkitab Singog In Mongondow Masa In Tanaa

⁹ Tubag i Yunus, “Akuoi naa intau in Ibrani. Akuoi in nosumba kon i Tuhan Allah kon soroga, inta nomaḻí kon dagat bo toba.”

YUNUS 1:9 Referans Kwoze

NEHEMIA 9:6

Onda intua rayat in Israel nosambayang nanaa, “Ikobí in Tuhan, Ikobí inta Totobatú tua; Inaidan-Mu in tundi bo toḷungayá, dagat bo butá takin bayongan in tombonunea, bo inogoian-Mu in kobiagan bo iḷukadan-Mu. Kon ini-Mu bayongan in kawasa kon ḷangit tumungkud mosumba; mosia in tumonsiup kon ini-Mu bo tumungkud.

MAZMUR 136:26

Posukurdon kon i Allah inta nongawasa kon ḷangit; tabi-Nea in umuran mononoi.

NEHEMIA 1:4

Nokodongogmai kon habar tatua, iḻimitú in akuoi bo nongombaḷ. Tongonumai nosinggai norobonoḷ totok in ginaku. Akuoi in umuran mopuasa poḷat mosambayang kon i Allah,

EZRA 1:2

“Naa in parenta i Kores, datu in Persia. Ki Tuhan, Allah inta nongawasa kon soroga ain nomaḻí kon inakó datu kon sinangkup in dunia, bo nopotabá kon inakó moposindog in baḷoi kon i-Nia kon Yerusalem kon butá in Yohuda.

DATU MITA 2 17:28

Dá imang in Israel, inta ain dinia nongkon Samaria pinobayá in Asyur, in nobui bo nogutun kon Betel. Kon tua in sia notundú kon rayat kon naonda in pososumba kon i Tuhan.

DATU MITA 2 17:25

Kon tungkuḷ in mosia momangkoidon mogutun kon tua diábí in mosia mohoromat kon i Tuhan; tuamai in ki Tuhan nopoangoi in singa mita sin modomok kon tongosilai in intau nongkon i monia.

KINOBAḺIAN 14:13

Táe intau tobatú inta nokoḷagui minayá nopotaau in bayongan inta nobaḻí tatua kon i Abram, intau Ibrani tatua. Ki Abram in nogutun kon diug in pangkoi mita in kayu karamat tampat pososumbaan kapunyaan i Mamre, intau in Amori. Ki Mamre bo ki utatnea mita, inta ki Eskol bo ki Aner in yobayat mita i Abram inta notobatúnea doman.

WAHYU 16:11

Bo mosia in mogodi-godimai kon i Allah inta kon soroga lantaran nakitea bo lantaran bituḷ mita monia. Táe umpaka natua mosia in doíbí doman mogogai in mogaid kon inta mongoraat.

WAHYU 15:4

Ki inebí in diá moondok kon ini-Mu, Tuhan? Ki inebí in doí mopotaau in kamuliaan-Mu? Tongábí Iko i motusi. Bayongan in bangusa mamangoibí mosumba kon ini-Mu sin aid-Mu mita inta moadil ain inontong in bayongan intau.”

WAHYU 11:13

Dá dodai intua nobaḻídon in ḻinug inta totok in moropot. Bo sepersepulú nongkon kotá tatua norimumud. Pitu noribu intau minatoi wakutu in ḻinug tatua. Intau mita ibanea in totokdon in noondok, dá nodayowdon in mosia kon koḷoḷoben in kawasa i Allah inta kon soroga.

PILIPI 3:5

Akuoi naa in sinunatbí doman wakutu in umurpa waḷu nosinggai. Akuoi in pinononggadí saḷaku intau in Israel, nongkon suku i Benyamin; akuoi in taakanpabí intau in Ibrani. Bo aka soaḷ kododudui kon hukum mita in agama Yahudi, yo akuoi naa in noigolong kon intau in Parisi.

OUMAN IN RASUL MITA 27:23

Sin kogobíi malaekat i Allah inta sinumbaku, ki Allah inta ki togi kon inakó in namangoi kon inakó.

OUMAN IN RASUL MITA 14:15

“Ei, nongonu sin moiko in mogaidbí kon nanaa? Kami naa in intaubí doman ná moiko! Kami in kon naa tongábí namangoi mopoyaput in Habar Mopia kon i monimu sinbá taḷaanmaidon monimu in soaḷ mita inta diá baraguna tanion bo mopirisayadon kon i Allah inta aindon nobiag nongkon kinopatoian-Nea, ki Allah inta nomia kon ḷangit bo butá, dagat bo bayongan inta kon bonunea.

HOSEA 3:5

Táe moiangoibí in wakutunea bangusa in Israel mobui kon i Tuhan Allah monia, bo kon i datu monia nongkon buí i Daud. Bo moondok in mosia poḷat mohoromat kon i Tuhan, poḷat motarima kon barakat-Nea mita.

DANIEL 2:44

Kon sempo in pomarentaan in datu mita tatua, ki Allah kon soroga in moposindog in dodatuan tobatú inta umuran moisindog modapot in mononoi bo inta diábí kotaḷowan in bangusa taondaka. Dodatuan tatua in morimumud bo mopoyobauk in bayongan dodatuan ibanea tatua.

AYUB 1:9

Táe Ibilis tatua in notubag, “Nopastibí kon ki Ayub in nosumba kon ini-Mu sin notarimadon in sia kon tontuḻí in aidnea.

NEHEMIA 2:4

Ki datu in noḻibó, “Dá, onu in koibogmu?” Akuoi in nosambayang kon i Allah inta nongawasa kon soroga,

EZRA 5:11

Mosia in notubag, ‘Kami naa in mogogundoi i Allah mongongawasa kon dunia naa. Kami in koyogot in moposindog in Baḷoi Tuhan inta pinosindog bo sinompakakatan kon puḷúan in taong inta noitaḻibdon i datu tobatú in Israel inta moḷoben.

KINOBAḺIAN 39:14

sia nogoiní kon bobantungnea mita bo noguman, “Indoiaika! Intau in Ibrani inta dinia mangoi i buḷoiku kon baḷoi tanaa, nopohinamaidon kon inaton. Sia sinumuot in gopotku bo modomok kon inakó, táe kinumarak in akuoi.

IḶUAIAN 1:15

Noiduduimai kon tua datu in Mesir nomarenta kon i Sipra bo kon i Pua, mototuḷung kon ponononggadían inta motuḷung kon bobay mita Ibrani kon dodai in mosia mononggadí.

IḶUAIAN 2:13

Nopoikoḷomai kon singgai, ki Musa in minayá bui, bo nokoontong doman kon intau Ibrani doyowa inta koyogot moropatoi. Dá ki Musa in noḻibó kon intau inta kotaḷá tatua, “Nongonu sin iko momongkugbí kon yobayatmu?”

KINOBAḺIAN 1:10

Butá tatua in sinangoian i Allah “Toba”. bo pinosipunan in tubig tatua sinangoian i Allah “Dagat”. Bo nosanang gina i Allah in nokoontong kon tua.

KINOBAḺIAN 24:7

Ki Tuhan, Allah inta nongawasa kon ḷangit, aindon nodia kon inakó nongkon baḷoi i amáku bo nongkon butá in ginaḷumku, bo Sia ain nongibot kon inakó kon Sia in mobogoibí in butá tanaa kon buíku. Sia in mopotabábí doman in malaekat-Nea sin motuḷung kon inimu, sinbá iko in mokouḻí kon bobay tobatú kon tua sin baḻíon buḷoi i adíku.