YUNUS 1:15 - Alkitab Singog In Mongondow Masa In Tanaa

¹⁵ Bo pinogonagdon monia in ki Yunus kon dagat. Dá nogogaidon in deḷang tatua nogupet.

YUNUS 1:15 Referans Kwoze

LUKAS 8:24

Dá murí-Nea mita in namangoi bo noguḷung kon i-Nia, kai monia, “Pak Guru, Pak Guru, mobodito in kita!” Ki Yesus in nobangon bo nongguak kon tompot bo bokoḷ inta koyogot mogirup tatua. Dá tompot bo bokoḷ tatua in nogogai bo noḷonongdon totok.

MAZMUR 107:29

Deḷang inta nondangat pinoki gogaian-Nea, nodapot in bokoḷ mita noḻenedon.

MAZMUR 89:9

Tuhan, Allah Inta Totok in mokawasa, ki ine in ná koropot-Mu? Tuhan, Iko in mosatia kon bayongan in yagi-yagi.

MATIUS 8:26

Sia in noguman kon i monia, “Nongonu sin moondokbí in moiko intau inta diá totok mopirisaya?” Onda intua nobangon in ki Yesus bo sinumorú kon tompot bo danow tatua, indoianmai yo diádon nogirup in tompot tatua bo danow in noḷonong totok.

MAZMUR 65:7

Pinongin ropot-Mu pinosindog-Mu in buḷud mita, sin mopoontong in kawasa-Mu inta motorindog.

SAMUEL 2 21:14

Onda intua tuḷan mita i Saul bo i Yonatan takin tuḷan mita i nayapitu tatua in iḷobong kon bonu in pinoḷobongan kon i Kish ki amá i Saul kon Zela kon butá in Benyamin. Naonda in bayongan tua inaidan podudui in parenta i datu, ki Allah in nokidongog bo notubagdon kon sambayang monia kon kopontingan in butá tatua.

YUNUS 3:9

Degá bo baḷuianbí i Allah in niat-Nea bo diádon tumorú dá kita in diádon moyopú!”