YUDAS 1:5 - Alkitab Singog In Mongondow Masa In Tanaa

⁵ Tua komintan in kinotaauan bidon monimu. Tongá moibogpa doman in akuoi moponorop kon i monimu kon soaḷ naonda in ki Tuhan noposaḷamat kon umat Israel nongkon butá in Mesir, táe noiduduimai kon tua pinutúan-Neadon in intau mita kon sigad monia inta diá mopirisaya.

YUDAS 1:5 Referans Kwoze

IBRANI 3:16

Ki ine in intau mita inta nokodongog kon singog i Allah bo nomarontak kon i-Nia? Mosia tuata in intau mita inta dinia i Musa iḷumuai nongkon butá in Mesir?

MAZMUR 106:26

Dá takin ibot Sia in nodandi kon moḻimod kon i monia kon padang gurun.

PETRUS 2 3:1

Utatku mita inta kinotabiku! Naa in suratku inta induaneadon kon i monimu. Kon bonu in suratku induanea tanaa, akuoi noramujidon totok sinbá moiko in tongá umuran morai kon inta mopia bo inta mokobiag.

SURAT I PAULUS KON JAMAAT RUM 15:15

Táe kon soaḷ mita ibanea, ogoiankupa in tompoingat in moiko pongin surat tanaa, sin ki Allah ain noponotabi in oaidan tanaa kon inakó.

IḶUAIAN 12:51

Kon singgai tatua ki Tuhan nodia kon bayongan umat Israel iḻumuai nongkon Mesir.

ULANGAN 1:32

Tongá umpaka akuoi ain noguman natua, moiko in diápa doman moibog mopirisaya kon i Tuhan Allahmu,

YOHANES 1 2:20

Táe moiko in notarimadon kon Roho i Allah inta ain inogoi i Yesus Kristus, manangka intua moiko in nonotaaudon kon totundú mita inta nobanar.

YOHANES 1 2:21

Pinaisku in naa kon i monimu deemanbí lantaran moiko diápa nonotaau kon totundú inta nobanar, táe lantaranbí kinotaauandon monimu in totundú tatua bo kinotaauandon monimu kon diábí in uboḷ kon totundú inta nobanar tatua.