YUDAS 1:23 - Alkitab Singog In Mongondow Masa In Tanaa

²³ Kapit bo poḷuai in mosia nongkon bonu in tuḷu sinbá mosaḷamat. Bo poontong doman in tabi kon intau mita ibanea, táe musti motoguondok. Kodoíbí modapot pakeang monia inta ain kinotoran in ibog monia inta binaradosa.

YUDAS 1:23 Referans Kwoze

TIMOTIUS 1 4:16

Ḷukadai in awakmu bo ḷukadai doman in onu inta ain sinundúmu. Musti in iko mokopotoindudui kon tua komintan, sin aka tantúmu aidan intua komintan, yo mangaḻenea kon tua iko in moposaḷamat bidon in awakmu bo moposaḷamat doman kon intau mita inta moibog mokidongog kon inimu.

KORINTUS 1 15:33

Donaaibí koakaḷan! Yoyobayatan inta diá mopia in mokogoguyaat kon tabiat inta mopia.

WAHYU 3:4

Táe kon yua-yuak monimu inta kon Sardis oyúonpa in intau inta noḷukad mako sinbá ḷambungnea in umuran modarit. Mosia tua in mayá moyotakin-Ku takin mogiḷambung mobudó, sin mosia in patusbí motarima kon tua.

WAHYU 3:18

Tuamai naa in tonggina-Ku kon i monimu, potaḷui kon buḷawan kon i-Nakó, buḷawan taakan sinbá mobaḻídon mooyúon in moiko. Bo potaḷui doman kon ḷambung mobudó kon i-Nakó, sinbá mogiḷambungdon in moiko bo awak monimu inta nopilang bo mokooyá in kooḻingoiandon. Bo potaḷui domandon kon undam poḻepo kon mata sinbá mokoontongdon in moiko.

SURAT I PAULUS KON JAMAAT RUM 11:14

Haraponku mako akuoi in mokopomuká kon intoi kon intau mita tobangusaku, sin aka natua yo motaau posaḷamatonku in tongonumai intau nongkon i monia tua.

TESALONIKA 2 3:14

Bo aka oyúon in intau inta doí mokidongog kon onu in pinoguman nami kon bonu in surat tanaa, yo mokopoingat kon intau natua bo donaai moyobayat takin intau tatua sinbá mooyá in sia.

YESAYA 64:6

Kami komintan in intaubí mita inta nonajis, nodapot in aid nami inta mopiapa in diá nodarit bo nokotor. Kami in moputúdon popisí in aid nami moraat naonda bo daun noingkag pinoḷayug in tompot.

AMOS 4:11

Tongosilai nongkon i monimu yopúon-Ku ná pinoyoyopú-Ku kon Sodom bo Gomora. Inta nobiagpa kon sigad monimu in naonda bo ḷomput in kayu inta ginamá nongkon tuḷú. Umpaka natua, moiko in diábí doman nobui mangoi kon i-Nakó.

IMAMAT 14:47

Ki ine in mosiug ande mongaan kon baḷoi tatua musti momatá kon pakeangnea.

KORINTUS 1 3:15

Tongá aka mopokak, yo morugi totok in sia; mosaḷamatbí in sia táe naonda bo intau inta noiḷuai nongkon bonu in tuḷu.

OMBAḶ 4:14

Naonda bo intau bilog nodondaḷoi kon daḷan mita natuata in itoi mita in kotá in Yerusalem. Pakeang monia in notamak in dugú dá diádon in moibog moḻiai kon i monia.

IMAMAT 15:17

Barang onukabí pinomayá kaeng ande kuḻit inta kinotugatan in buḻe tatua mustibí batáan; barang tatua in monajispabí dapot mata in singgai tumoyop.

KORINTUS 2 5:11

Kotaauanbí in nami mangaḻe in moondok kon i Tuhan. Manangka intua kami moramuji sinbá pirisayaan in bayongan intau. Totokbí in kinotaauan i Allah in kami naa. Tuamai in haraponku in kotaauan doman monimu in kami.

YOHANES 2 1:11

Sin intau inta mobogoi in salam kon intau ná tua, yo noyopopogdon noyotakin intau tatua nogaid kon inta moraat.

YUDAS 1:22

Popoontongdon in tabi monimu kon i monia inta diápa motantú in pirisaya.

AMSAL 7:8

Kon dodai in ḷoḷabungnea kon tungkuḷ in moungkoḷomdon, tayow mobiag tatua kibaya-bayámai kon diug in pobeukan in daḷan inta mayá in baḷoi pinogutunan in bobay tobatú.