YOSUA 9:4 - Alkitab Singog In Mongondow Masa In Tanaa

⁴ Bo mosia in noyopakatdon kon monguboḷ kon i Yosua takin aid mopobaba kon keledai monia in: karong mita inta ain nokoyongan, bo botutu mita in anggur inta nongokesekdon inta pinomia nongkon kuḻit. Bo inta mobaḻí tongkaaḷ monia, mosia in nosadiadon kon roti inta ain noingkag bo inuḷampungdon.

YOSUA 9:4 Referans Kwoze

LUKAS 16:8

Dá pinuji i tuangnea in bendahara inta diá mojujur tatua popisí in mobayong in akaḷnea; sin intau mita inta modunia in mopando-pandoi monompira kon oaidan monia dika in intau mita inta nobiag kon nobayag.”

MARKUS 2:22

Ná doman tua, diábí in intau mogaḻin kon anggur kon bonu in botutu kuḻit inta nokoyongandon. Sin anggur nobagu tatua i mokopopisíbí kon koberakan in botutu tatua, dá tumpaḷadon mogoguyaat in botutu bo anggur. Tuamai in anggur nobagu musti bonuon doman kon botutu nobagu!”

MATIUS 10:16

“Tagú totok kon gina in singog-Ku: Akuoi in mopotabá kon i monimu, naonda bo domba dinia kon yua-yuak in serigala. Manangka intua mokopoingat totok naonda bo uḷag bo mokopotuḻid kon gina naonda bo ḷagapan paḷoma.

MATIUS 9:17

Ná doman tua, anggur inta nobagupa in diábí motaau bonuon kon botutunea inta ain nokoyongan. Sin aka bonuon yo botutu tatua in mobokatdon bo anggur tatua in moibutak doman, bo botutu tatua in mogoguyaatdon totok. Tuamai anggur inta mobagu in bonuonbí kon tampatnea inta nobagu doman, sinbá tumpaḷa diá mogoguyaat.”

MAZMUR 119:83

Kuḻitku in noḷubakdon naonda bo botutu in anggur inta ain nokoyongan, táe atorang-Mu in diábí koḻionganku.

KINOBAḺIAN 34:13

Popisí in ki Sikhem ain nokopooyámai kon kahoromatan i ai-ai monia ki Dina, dá ki adí mita i Yakub nonguboḷ kon i Sikhem bo kon i Hemor ki amánea.

YOSUA 9:3

Táe intau mita in Gibeon inta nongkon bangusa in Hewi ain nokodongog kon onu inta pinomia i Yosua kon Yerikho bo Ai.

YOSUA 9:5

Mosia nomakédon in pakeang inta ain nongoberak bo nogi sapatu inta ain nokoyongan bo dinuḷa-duḷampongmai.

YOSUA 9:13

Bo botutu mita in anggur nami naa in nobagupabí kon dodai in binonuan nami; táe tanaa, indoiaika! Ain noberak. Pakeang bo sapatu nami in nogoguyaat domandon kon binayáan inta moyayú naa.”

YOSUA 9:12

Tungkuḷaika i Tuang mita indoiai, roti tongkaaḷ nami naa. Kon tungkuḷ in kami namangoi, roti tatua in noanaipa. Táe tanaa, indoiaika! Noingkagdon bo inuḷampung domandon.