YOSUA 8:31 - Alkitab Singog In Mongondow Masa In Tanaa

³¹ Pinomianea in mezbah tatua pinopodudui kon topotundú mita inta kon bonu in buk i Musa, mogogundoi i Tuhan tua, kon intau in Israel: “Mezbah tobatú nongkon batu mita inta diápa kon dodai in onda inaidan in pakakat uatoi.” Kon tudu in mezbah tatua intau mita in Israel noposumba kon i Tuhan: in kuruban payongon bo kuruban pondamean kon i monia.

YOSUA 8:31 Referans Kwoze

TAWARIKH 2 35:12

Pomuḷoi in paanan in inanakan inta namangoi intua mokouḻí kon tumongo batu in bobiagon mita inta posumba mobaḻí kuruban payongon. Takin natua dá mosia in motaaudon moposumba in kuruban podudui in atorang inta ain pinais kon bonu in buk Hukum i Musa.

YOSUA 1:8

Buk in hukum tatua in mustibí umuran bacaanmu kon tayowon in umat-Ku. Balajar in buk tatua singgai bo doḷom, sinbá oaidmu umuran moitombutung kon onu inta pinais kon buk tatua. Aka aidanmu in bayongan tua, kobobiagmu in motompia totok bo bayongan onu inta aidanmu in kodapotanbí.

IḶUAIAN 24:5

Bo ki Musa nopotabá in tongonumai tayowmobiag, bo mosia noposumba in kuruban inta sinubá kon i Tuhan bo poḷat noratá kon tongonumai in sapi sin pinokuruban nobaḻí kuruban dodamean.

IḶUAIAN 18:12

Onda intua ki Yitro nodia kon tongonumai in kuruban sinubá bo kuruban inta iratá nobaḻí sosumba kon i Allah. Ki Harun bo bayongan itoi in bangusa Israel namangoi bo nongaan noyotakin i Yitro kon bonu in kawasa i Allah.

MATIUS 12:26

Ná doman tua aka Ibilis moguntun kon Ibilis; yo sia in diádon notobatú, bo sia in nomaḷawang domandon kon inia tontaní, aka natua, yo naondabí in mononoi in dodatuannea tatua.

NEHEMIA 13:1

Kon dodai in hukum i Musa binaca kon rayat, nouḻídon in katarangan tanaa: ‘Intau in Amon bo Moab in diábí motaau in dumugang kon umat i Allah;

EZRA 6:18

Bo inta pinaké kon pinogundoian kon bonu in Baḷoi Tuhan mosia in nopoyotondí kon imang mita bo intau mita in Lewi podudui in atorang inta pinais kon bonu in buk i Musa.

TAWARIKH 2 25:4

Táe ki adí mita in pogawai mita tatua in diábí iḻimodnea sin sia in dinumuduibí kon parenta i Tuhan kon bonu in Buk i Musa inta noguman, “Dika mohukum matoi kon guyanga popisí in aid moraat inta inaidan in adí mita monia, bo dika mohukum matoi kon adí mita popisí in aid moraat inta inaidan in guyanga monia. Batúan intau in tongábí motaau hukumon matoi popisí in aidnea tontaní inta moraat.”

DATU MITA 2 22:8

Ki Sapan in nopotaau in parenta i datu kon i Hilkia, bo ki Hilkia in nongonguman kon i Sapan kon sia in nokouḻídon kon buk in hukum mita i Tuhan kon Baḷoi Tuhan. Ki Hilkia in nobogoi in buk tatua kon i Sapan, bo binaca i Sapan.

DATU MITA 2 14:6

Táe ki adí mita in pogawai mita tatua in diábí iḻimodnea, sin dinumudui in sia kon parenta i Tuhan kon bonu in Buk i Musa inta noguman nanaa, “Dika mohukum matoi kon guyanga popisí in aid moraat inta pinomia i adí mita monia, bo dika doman mohukum matoi kon adí mita popisí in aid moraat inta pinomia in guyanga monia. Kon batúan in intau in tongábí hukumon popisí in aid moraat inta pinomia monia tontaní.”

ULANGAN 27:2

Kon singgai moiko ḷumoḷan kon Ongkag in Yordan sin tumuot kon butá inta inogoi i Tuhan Allahmu kon inimu, moiko in mustibí moposindog in tongonumai in batu moḷoben bodongka uḷakan monimu in kapur.

ULANGAN 27:8

Kon tudu in batu inta binutakan in kapur tatua musti paison monimu kosilangon in bayongan tosingogon nongkon hukum mita i Allah.”