YOSUA 8:20 - Alkitab Singog In Mongondow Masa In Tanaa

^20-22 Intau mita in Ai nobobui ná tumi, bo inontongdon monia in poyok moḷoben namonik in ḷangit. Ki Yosua bo tontaranea mita in nokoontong domandon kon poyok bo kinotaauanneadon kon tontaranea mita ibanea in nokoagowdon kon kotá tatua. Dá nomurowdon in ki Yosua takin tontaranea mita sin monubu bo moḻimod kon intau mita in Ai. Intau mita in Israel inta kon kotá in Ai tatua namangoi domandon bo nonubu, dá intau mita in Ai kinokopungandon bo diádon nokoḷagui. Diá tobatúmai in intau nongkon i monia in nokoḷagui, nodait minatoi iḻimod in intau Israel,

YOSUA 8:20 Referans Kwoze

WAHYU 19:3

Bo singog in intau mobayong tatua in nomaḷú bui, “Dayowdon in ki Allah! Poyok nongkon tuḷú inta nomokak kon kotá moḷoben tatua umuran moidamonik diá in goga-gogainea!”

WAHYU 18:9

Datu mita kon dunia naa inta noitakin nogaid kon inta mokotor takinnea bo ibog in bobay tatua, in mongombaḷbí bo mogamui kon kotá tatua aka mosia in mokoontong kon poyok mobunod nongkon tuḷú inta momokak kon inia.

YESAYA 34:10

Doḷom singgai dokot tatua in diá mopiong, bo poyok moidamonik nongkon inia modapot in mononoi. Butá tatua in taḷaan diádon in tombonunea bo moingkag modapot in adí bo ompu, bo diádon tobatúmai in intau in tumaḻib kon tua.

MAZMUR 76:5

Totuubí kon moḷantud in Iko, bo momulia, noiḻiubí kon buḷud mita dungkuḷmai.

AYUB 11:20

Táe intau moraat in moindoibí takin motoboḻingo, sin kon i monia in diábí in totuḷung. Totobatú in kamang monia tuata in popatoi ḷagidon moiangoi.”

KINOBAḺIAN 19:28

Sia in nobobui kon dotá in Sodom bo Gomora bo kon ḷopá mita, bo inontongnea in poyok in tuḷú inta nosipun nongkon butá tatua, naonda bo poyok nongkon doḷuong moḷoben.

YOSUA 8:19

Naonda in sinonggó i Yosua in ḻimanea, tontara mita inta nogadop tua iḻimikatdon in sinimindog bo nonubu kon kotá tatua, bo poḷat nogagow. Baḷúdon sinubá monia in kotá tatua.

HAKIM MITA 20:38

Táe mosia in muna bidon noyopakat kon aka oyúondon in poyok mobunod kon bonu in kotá,

HAKIM MITA 20:40

Táe daḻídon in poyok nomangkoi nomonik nongkon yua-yuak in kotá in Gibea. Intau mita in Benyamin noitaḻikokog naonda in mosia nobobui bo nokoontong kon bayongan in kotá monia nopokak.

HAKIM MITA 20:41

Bo kon dodai doman intua tontara mita ḷontú in Israel nomurowdon bo nonubu, dá tontara in Benyamin mita tatua noḻingúdon sin kinotaauandon monia kon taḷowondon in mosia.