YOSUA 8:16 - Alkitab Singog In Mongondow Masa In Tanaa

¹⁶ Bayongan in ḷoḷaki kon kotá in Ai nodait pinarentaan mondudur kon i Yosua bo tontaranea tatua. Táe koyayú-koyayú in ponduduran monia kon i Yosua dá koyayú-koyayú doman in mosia nongkon kotá monia.

YOSUA 8:16 Referans Kwoze

HAKIM MITA 20:31

Intau mita in Benyamin nonubu doman, bo kino kailandon monia iḻumuai in kotá. Ná inta ain nobaḻí muna, mosia momangkoidon noḻimod kon intau mita in Israel kon tampat mita inta nosimbanat kon ḷuai in kotá kon daḷan inta nopobayá ná Betel bo kon daḷan inta nopobayá ná Gibea. Toḷu nopuḷúdon intau in Israel in kinoḻimodan.

WAHYU 16:14

Mosia tua in dimukud mita moraat inta nogaid kon soaḷ mita inta mokoherang. Dimukud taya toḷu tatua in minayá kon bayongan datu kon dunia naa bo nosipun kon i monia sin moparang kon singgai inta moḷoben, Singgai i Allah Inta totok in Mokawasa.

MAZMUR 9:16

Bangusa mita inta diá nonotaau kon ini-Mu notopak kon bubú inta kinaḻi monia tontaní; mosia in noibaaḷ kon pukot monia tontaní.

YOSUA 8:17

Bayongan intau kon Ai iḻumuai sin mogaḷow kon intau in Israel, dá kotá tatua in pinomayádon nobukat mako natua, diádon iḷukadan.