YOSUA 7:24 - Alkitab Singog In Mongondow Masa In Tanaa

²⁴ Onda intua ki Yosua bo bayongan umat in Israel nodomokdon kon i Akhan, bo dinia pinobayá in Ḷopá in Roriga pinoyotakin i adínea mita, sapinea, keledai, domba, ḷoḷaigan, bo bayongan in kapunyaannea takin saḷaka, jubah bo buḷawan inta sinakownea.

YOSUA 7:24 Referans Kwoze

AMSAL 15:27

Ki ine in motayak kon kauntungan pongin mosindip, in morimumudbí kon motoḷuadínea tontaní. Ki ine in doí motarima kon doit pinosogó, mobiag mosanang.

HOSEA 2:15

Gobá mita in anggurnea in pobuion-Kubí bui kon inia, bo Ḷopá in Roriga in baḻíon-Ku ngara pongamangan. Kon tua sia in motomu kon i-Nakó ná kon tungkuḷ in sia noguodpa, kon tungkuḷ in sia bagu iḻumuai nongkon Mesir.

YESAYA 65:10

Umat-Ku in mosumbabí kon i-Nakó; domba bo sapi monia in mokaanbí kon bonok kon rata in Saron bo kon Ḷopá in Akhor.

YOSUA 15:7

onda intua minayá ná Ḷopá in Roriga nodapot kon Debir, bo nomurow bui ná utuan nopobayá ná Gilgal kon tampat inta noyogintayow in oyuk mita in buḷud kon Adumim kon dotá in toḷatan in ḷopá tatua. Nongkon tua minayá bui muik kon bokaká in tubig En-Semes, bodongka nopobayá ná En-Rogel,

YOSUA 7:26

Nopaḷut mako kon tua binumbunandon monia in tampat tatua in batu inta mobarong totok bo dapot in tanaa oyúonpa doman intua. Tuamai in tampat tatua in sinangoianpa Ḷopá in Roriga. Dá noobotdon in torú i Tuhan.

IḶUAIAN 20:5

Dika mosumba kon patong ná tatua, sin Akuoibí naa in ki Tuhan Allahmu, bo Akuoi in doíbí potongkaion in onuka. Intau mita inta moyaat in gina kon i-Nakó, hukumon-Ku modapot kon buí inta nogintoḷu bo noginggopat.

MOHOHUTUBA 5:13

Táe kapunyaan tatua nobuḻi popisí in roriga, dá diábí in motaau ogoi kon i adínea mita.

AYUB 20:15

Kapunyaan sinakow inta iḻiomnea, pakisadon pinototukanea; pinoḷuai i Allah intua nongkon bonu in siannea.

YOSUA 7:1

Ki Tuhan ain nomarenta kon umat in Israel kon nongkon bayongan onu inta kon kotá in Yerikho inta musti payongon, tobatúmai yo diábí in motaau gamáan. Táe parenta tatua diábí dinuduian. Ḷoḷaki tobatú inta ki Akhan in tangoinea iḻimimpatdon kon parenta tatua, dá ki Tuhan in sinumorúdon totok kon umat in Israel. (Ki amá i Akhan naa tangoinea in ki Karmi bo ki akinea in ki Zabdi nongkon inanakan i Zerah kon bonu in suku i Yohuda.)

YOSUA 6:21

Bayongan intau kon kotá tatua, noguod noguyang, ḷoḷaki bobay, komintan iḻimod in pitow. Bayongan in bobiagon sapi, domba bo keledai sinoko ḻimod doman.

YOSUA 6:18

Diábí in motaau mogamá kon onuka inta musti payongon. Aka mogamá in moiko kon tua, dá pinononḷoḷaigan in Israel koantugan in bodito.

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

YOSUA 7:23

Ginamá monia in barang mita tatua bo dinia kon i Yosua bo kon bayongan intau in Israel. Bo barang mita tatua inukat kon tayowon i Tuhan.

YOSUA 22:20

Torop, in ki Akhan ki adí i Zerah in doí dinumudui kon parenta i Tuhan soaḷ pakakat mita inta musti ḷoḷangon, bo onu in nobaḻí? Bayongan umat in Israel i hukum! Bokaka inta dinosa in tongábí ki Akhan, táe inta minatoi in deemanbí tongá sia-sia mita!”