YOSUA 6:24 - Alkitab Singog In Mongondow Masa In Tanaa

²⁴ Onda intua tontara in Israel nonurubdon kon bayongan kotá tatua takin bayongan in tombonunea, koḻikudbí in buḷawan, saḷaka, tambaga bo uatoi. Pakakat mita tatua ginamá monia bo dinia kon tampat pototagúan kon kapunyaan i Tuhan.

YOSUA 6:24 Referans Kwoze

YOSUA 8:28

Ki Yosua nomokak kon Ai, bo pinomayá mako nobaḻí utag dapot in tanaa.

WAHYU 17:16

Tungoi mopuḷú bo mahaḷuk inta inontongmu tua, moyaatbí in ginanea kon sundaḷ tatua. Daitonbí agowon monia in bayongan kapunyaannea, bo pilangan monia. Kaanonbí monia in tapúnea bo payongon monia in tuḷu.

DATU MITA 2 25:9

Ki Nebuzaradan in nonurub kon Baḷoi Tuhan, komaḻig in datu, bo bayongan in baḷoi in intau mita inta ihoromat kon Yerusalem.

WAHYU 18:8

Popisí in soaḷ tatuata, dá kon bonu in tosinggai tua sia koantugan in bodito – takit, kuyang in gina, bo malarat in kaanon. Bo sia in pokakon in tuḷu. Sin mokawasabí in ki Tuhan Allah inta mohakim kon inia tua.”

ULANGAN 13:16

Bayongan kapunyaan in intau mita inta nogutun kon tua musti sipunon bonturungon kon lapangan, bo kotá takin bayongan kapunyaannea in pokakon mobaḻí kuruban kon i Tuhan Allahmu. Mopaḷut mako kon tua pomayádon mako intua mobaḻí utag in pinomokakan bo diádon motaau posindogon bui.

YOSUA 6:19

Bayongan in pakakat saḷaka, buḷawan, tambaga bo uatoi musti ogoi kon i Tuhan, bo musti tagúon kon bonu in tampat pototagúan kon kapunyaan i Tuhan.”

ULANGAN 20:16

Táe aka kotá tatua kon bonu in butá inta inogoi i Tuhan Allahmu kon inimu, yo bayongan in intau inta nogutun kon tua musti yopúdon.

YOSUA 6:25

Táe ki Rahab bobay sundaḷ tatua takin bayongan ginaḷumnea in pinomayádon mako i Yosua nobiag, sin sia in notuḷungdon kon toimatanea doyowa inta pinotabánea namangoi in Yerikho. (Dapot in singgai in naa buí i Rahab oyúonpabí in kon Israel.)

PINOGIAPAN 31:10

Kotá mita bo pinononḷoḷaigan mita monia sinurub doman.

ULANGAN 13:17

Barang mita inta mokokatuḷa tatua in diábí motaau tagúon monimu sin pakéon tontaní, táe mustibí ḷoḷangon komintan. Dá torú i Tuhan Mopiong domandon bo poontong-Neadon kon i monimu in tabi-Nea. Motabidon in Sia kon inimu bo baḻíon-Neadon in moiko bangusa inta moḷoben ná inta pinodandi-Nea kon mogoguyangmu,

SAMUEL 2 10:5

Táe mosia in mooyá in mobui kon butá monia. Naonda in pinotaau kon i Daud in onu inta nobaḻí tatua, nokidia in sia in koyow sinbá totabá mita tatua in mogutun kon Yerikho modapot in kumi monia mobiagdon bui.

TAWARIKH 1 18:11

Ki Datu Daud in noposumba in bayongan tombuinag tatua kon i Tuhan sin pakéon kon bonu in upacara ibada. Natua doman in inaidannea kon pakakat mita buḷawan bo saḷaka inta ain inagownea nongkon i Hadadezer bo bangusa mita inta sinaḷownea, tuata in bangusa Edom, Moab, Amon, Pilistin bo Amalek.