YOSUA 6:22 - Alkitab Singog In Mongondow Masa In Tanaa

²² Bo kon intau doyowa inta ain nobaḻí toimata, ki Yosua noguman, “Bayádon kon baḷoi in bobay inta sundaḷ tatua, bo diádon in sia ḷumuai moyotakin in ginaḷumnea ná inta ain pinodandi monimu kon inia.”

YOSUA 6:22 Referans Kwoze

IBRANI 11:31

Popisí in oyúon in pirisaya, dá ki Rahab, bobay sundaḷ tua in diábí kinoḻimodan noyotakin in intau mita inta noḷawang kon i Allah; popisí in nopia totok in pinototomunea kon totabá mita in intau Israel.

YOSUA 6:17

Bayongan in kotá takin tombonunea musti daiton monimu payongon mobaḻí sosumba kon i Tuhan. Tongá ki Rahab, bobay sundaḷ takin ginaḷumnea in pomayádon mako in mobiag, sin sia in notuḷungdon kon toimata mita naton.

YEHEZKIEL 17:16

Podoyon kon i-Nakó, ki Allah inta nobiag, ki Tuhan Inta Totok in moḷantud, datu in Yohuda in matoibí kon Babel, popisí in sia in nonoḻikudon kon ibotnea bo iḻimimpat kon dodandiannea takin i datu in Babel inta ain nopoḻitú kon inia kon ḷoḻitúan in datu.

YEHEZKIEL 17:13

Bo piniḻínea in intau tobatú nongkon motoḷuadí in datu in Yohuda tatua, nomia kon dodandian takinnea, bo nopotabá kon inia nongibot kon motoindudui kon inia. Ki Datu in Babel tatua in nodomok kon intau mita mongoponting,

MAZMUR 15:4

inta mopoompámai kon intau inta kinodoí i Allah, táe mohoromat kon intau inta mosatia kon i Tuhan; inta mogintompod kon dandi, umpakabí morugi

SAMUEL 2 21:7

Táe popisí in ki Daud bo ki Yonatan aindon nongongibotan, ki Daud in diábí nobogoi kon i Mepiboset adí i Yonatan.

SAMUEL 2 21:2

(Intau mita in Gibeon deemanbí intau in Israel; mosia in noituot paanan mointok in intau in Amori. Intau mita in Israel ain nongibot kon moḷukad kon i monia, táe ki Saul in noḷongasibí noyopú kon i monia sin sia in norai kon kopontingan in intau in Israel bo Yohuda.) Bo ki Daud in nogoiní kon intau mita in Gibeon tatua

YOSUA 9:15

Ki Yosua nomia kon dodandian yoyobayatan takin intau mita in Gibeon tatua, bo nodandidon kon i monia kon diábí moḻimod kon i monia. Itoi mita in umat Israel nongibot doman kon mogintompodbí kon dodandian tatua.

YOSUA 6:23

Dá toimata doyowa tatua in minayádon, bo nodia kon i Rahab iḻumuai noyotakin i amá bo i inánea, i utatnea mita, bo ginaḷumnea mita ibanea. Komintan ginaḷum i Rahab takin bobantung mita monia in dinia iḻumuai minayá in tampat inta moaman kon diug in pinononḷoḷaigan in Israel.

HAKIM MITA 1:25

Dá sinundú in intau tatua kon i monia in daḷan tumuot kon kotá tatua. Bo intau mita in Epraim bo Manasye sinumuot kon kotá tatua bo noḻimod kon bayongan in intau inta nogutun kon tua, koḻikudon in intau tatua takin tombonu in baḷoinea bo ginaḷumnea.